பல்காயம் — தி.வே.கோபாலையர் தொகுப்பு

** இலக்கண விளக்கம் – வைத்தியநாத தேசிகர்
** பொருளதிகாரம் – செய்யுளியல் பிற்சேர்க்கை

@1 யாப்பு உறுப்புக்கள்

#1
இமிழ் கடல் வரைப்பின் எல்லையின் வழாஅத்
தமிழ் இயல் வரைப்பின் தாம் இனிது விளங்க
யாப்பியல் தானே யாப்புற விரிப்பின்
எழுத்து அசை சீர் தளை அடி தொடை தூக்கோடு
இழுக்கா மரபின் இவற்றொடு பிறவும்
ஒழுக்கல் வேண்டும் உணர்ந்திசினோரே
** அசைகள்

#2
குறில் நெடில் தனியாய் நின்றும் ஒற்று அடுத்தும்
குறில் இணை குறில் நெடில் தனித்தும் ஒற்று அடுத்தும்
நடைபெறும் அசை நேர் நிரை அசை நால்_இரண்டே
** சீர்

#3
அசையே இரண்டும் மூன்றும் தத்தமில்
இசைய வருவன சீர் எனப்படுமே

#4
நால் அசையானும் நடைபெறும் ஓர் அசை
சீர் நிலை எய்தலும் சில இடத்து உளவே

#5
நால் அசைச் சீரும் ஒரோவிடத்து இயலும்
பாவொடு பாவினம் பயிலல் இன்றி
** நேரடி

#6
ஆசிரியத்தொடு வெள்ளையும் கலியும்
நேரடி தன்னான் நிலைபெற நிற்கும்
** எதுகை

#7
முதல் எழுத்து அளவு ஒத்து அயல் எழுத்து ஒன்றுவது
எதுகை அதன் வழி இயையவும் பெறுமே
** மோனை எதுகை விரி

#8
முதல் எழுத்து ஒன்றுவது மோனை எதுகை
முதல் எழுத்து அளவொடு ஒத்தது முதலா
அஃது ஒழித்து ஒன்றில் ஆகும் என்ப

#9
இவ் இரு தொடைக்கும் கிளையெழுத்து உரிய
** முரண் தொடை

#10
சொல்லினும் பொருளினும் மாறுகோள் முரணே
** இயைபுத்தொடை

#11
இயைபே இறு சீர் ஒன்றும் என்ப
** அளபெடைத்தொடை

#12
அளபெடைத் தொடைக்கே அளபெடை ஆகும்
** செந்தொடை

#13
அசையினும் சீரினும் இசையினும் எல்லாம்
இசையாது ஆவது செந்தொடை ஆகும்
** இரட்டைத்தொடை

#14
முழுவதின் ஒன்றின் இரட்டை ஆகும்
** தொடையால் பெயரிடுதல்

#15
விகற்பம் கொள்ளாது ஓசையின் அமைதியும்
முதல்-கண் அடி வரின் முடிவது ஆகும்
** விட்டிசை

#16
தற்சுட்டு ஏவல் குறிப்பு இவை அல்வழி
முற்றுத் தனிக் குறில் முதல் அசை ஆகா
** சீர் மயக்கம்

#17
ஓசையின் ஒன்றி வரினும் வெண் சீரும்
ஆசிரிய அடியின் குறுகும் என்ப

#18
அதனுள் தன் சீர் வெண் சீர் ஒருங்கு
புகலின் கலியுள் பொருந்தும் என்ப

#19
வஞ்சியுள் ஆயின் எஞ்சுதல் இலவே

#20
இயற்சீர் இறுதி நேர் உற்ற காலை
வஞ்சியுள்ளும் வந்தது ஆகா
ஆயினும் ஒரோவிடத்து ஆகும் என்ப
** அடிமயக்கம்

#21
வஞ்சி விரவல் ஆசிரியம் உடைத்தே
வெண்பா விரவினும் கடிவரை இன்றே
** அடிவரையறை

#22
ஆயிரம் இறுதி மூ அடி இழிபா
ஆசிரியப் பாட்டின் அடித்தொகை அறிப

#23
ஈர் அடி முதலா ஏழ் அடி-காறும்
திரிபு இல வெள்ளைக்கு அடித்தொகை தானே
** கூன் ஆமாறு

#24
அடியினில் பொருளைத் தான் இனிது கொண்டு
முடிய நிற்பது கூன் என மொழிப

#25
வஞ்சி இறுதியும் ஆகும் அதுவே
அசை கூன் ஆகும் என்மனார் புலவர்
** அடிவரையறை இல்லன

#26
உரையொடு நூல் இவை அடி இல நடப்பினும்
வரைவு இல என்ப வாய்மொழிப் புலவர்
மொழி பிசி முதுசொல் மூன்றும் அன்ன
**
*