காக்கைபாடினியம் – தி வே கோபாலையர் பதிப்பு

** இலக்கண விளக்கம் – வைத்தியநாத தேசிகர்
** பொருளதிகாரம் – செய்யுளியல் பிற்சேர்க்கை

@1
**பாயிரம்

#1
வடக்கும் தெற்கும் குணக்கும் குடக்கும்
வேங்கடம் குமரி தீம் புனல் பௌவம் என்று
இ நான்கு எல்லை அக-வயின் கிடந்த
நூலதின் முறையே வாலிதின் விரிப்பின்
**அசைக்கு உறுப்பாவன

#2
குறில் நெடில் அளபெடை உயிர் உறுப்பு உயிர்மெய்
வலிய மெலிய இடைமையொடு ஆய்தம்
இ உ ஐ என் மூன்றன் குறுக்கமோடு
அப் பதின்மூன்றும் அசைக்கு உறுப்பு ஆகும்
** அசைவகைகள்

#3
தனி அசை என்றா இணை அசை என்றா
இரண்டு என மொழிமனார் இயல்பு உணர்ந்தோரே
** அசை ஆகாதன

#4
நெடிலொடு நெடிலும் நெடிலொடு குறிலும்
இணை அசை ஆகுதல் இல என மொழிப
** இயற்சீர்

#5
ஒரோஒ அசையினால் ஆகிய ஈர் அசைச்
சீஇர் இயற்சீர் என்னப்படுமே
இயற்சீர் எல்லாம் ஆசிரிய உரிச்சீர்
** மூவசைச்சீர்

#6
மூ அசையான் முடிவு எய்திய எட்டினுள்
அந்தம் தனிச் சீர் நான்கு அசை வெள்ளை
அல்லன வஞ்சிக் கிழமை வகைப்பட்டனவே
** நாலசைச்சீரும் ஓரசைச்சீரும்

#7
நால் அசையானும் நடைபெறும் ஓர் அசைச்
சீர் நிலை எய்தலும் சில இடத்து உளவே
** ஆசிரியத்தளை

#8
இயற்சீர் இரண்டும் தலைப்பெயல் தம்முள்
விகற்பம் இலவாய் விரவி நடப்பின்
அதன் பெயர் ஆசிரியத்தளை ஆகும்
** வெண்தளை

#9
இயற்சீர் இரண்டு தலைப்பெயல் தம்முள்
விகற்ப நடையது வெண்தளை ஆகும்

#10
உரிச்சீர் அதனுள் உரைத்தமை அன்றிக்
கலக்கும் தளை எனக் கண்டிசினோரே
** கலித்தளை

#11
வெண்சீர் இறுதிக்கு இணை அசை பின்வரக்
கண்டன எல்லாம் கலித்தளை ஆகும்
** வஞ்சித்தளை

#12
தன் சீர் இரண்டும் தலைப்பெயல் தம்முள் ஒத்து
ஒன்றினும் ஒன்றாது ஒழுகினும் வஞ்சியின்
பந்தம் எனப் பெயர் பகரப்படுமே
** நாலசைச்சீர் தளைபெறுதல்

#13
உரைச் சீர் தளை வகைக்கு எய்தும் பெயரது
நிரை நேர் இறுதி நால் அசைச் சீர்கள்
** ஓரசைச்சீர் தளைபெறுதல்

#14
ஓர் அசைப் பொதுச் சீர் தளை வகை தெரியின்
ஈர் அசைச் சீர்த் தளைக்கு எய்தும் என்ப

#15
ஓர் அசைப் பொதுச் சீர் ஒன்றாதாயினும்
வெண்தளை ஒன்றியது ஆசிரியத் தளையே
** அடிவகை

#16
குறள் சிந்து அளவு நெடில் கழிநெடில் என்று
ஐ வகை மரபின அடி வகை தாமே
** அடிகளின் பெயர்விளக்கம்

#17
இரு சீர் குறளடி சிந்தடி முச் சீர்
அளவடி நால் சீர் அறு சீர் அதனின்
இழிவு நெடிலடி என்றிசினோரே
** வஞ்சிப்பாவின் அடி

#18
சிந்தடி குறளடி என்றா இரு திறமும்
வஞ்சிக் கிழமை வகைப்பட் டனவே
** ஏனைய பாக்களின் அடி

#19
ஆசிரியம் வெண்பாக் கலியொடு மும்மையும்
நால் சீர் அடியால் நடைபெற்றனவே

#20
சிந்தும் குறளும் வருதலும் அவ் வழி
உண்டு என்று அறைய உணர்ந்திசினோரே
** பா இனங்களின் அடி

#21
விருத்தம் துறையொடு தாழிசை என்றா
இசைச் செயுள் எல்லா அடியினும் நடக்கும்
** தொடை இலக்கணம்

#22
தொடை எனப்படுவது அடை வகை தெரியின்
எழுத்தொடு சொல் பொருள் என்று இவை மூன்றின்
நிரல்பட வந்த நெறிமைத்து ஆகி
அடியொடு அடியிடை யாப்புற நிற்கும்
முடிவினது என்ப முழுது உணர்ந்தோரே
** தொடையால் பெயரிடுதல்

#23
தொடை அடியுள் பல வந்தால் எழுவாய்
உடையதனால் பெயர் ஒட்டப்படுமே
** முரண்தொடை

#24
மொழியினும் பொருளினும் முரணத் தொடுப்பின்
இரணத் தொடை என்று எய்தும் பெயரே
** செந்தொடை

#25
செம்பகை இல்லா மரபினதாம் தம்முள்
ஒன்றா நிலையது செந்தொடை ஆகும்
** பாவினம்

#26
வெண்பா விருத்தம் துறையொடு தாழிசை
என்று இ முறையின் எண்ணிய மும்மையும்
தத்தம் பெயரால் தழுவும் பெயரே
** வெண்பா

#27
சிறந்து உயர் செப்பல் இசையன ஆகி
மறைந்த உறுப்பின் அகறல் இன்றி
விளங்கக் கிடப்பது வெண்பா ஆகும்
** #28
சிந்தடியானே இறுதலும் அவ் வழி
அந்தம் அசைச் சீர் வருதலும் யாப்புற
வந்தது வெள்ளை வழக்கியல் தானே
** குறள்வெண்பா

#29
தொடை ஒன்று அடி இரண்டு ஆகி வருமேல்
குறளின் பெயர்க் கொடை கொள்ளப்படுமே
** நேரிசை வெண்பா

#30
இரண்டாம் அடியின் ஈறு ஒரூஉ எய்தி
முரண்ட எதுகையது ஆகியும் ஆகாது
இரண்டு துணியாய் இடைதனில் போழ்ந்து
நிரந்து அடி நான்கின நேரிசை வெண்பா
** இன்னிசை வெண்பா

#31
தனிச்சொல் தழுவல ஆகி விகற்பம்
பலபல தோன்றினும் ஒன்றே வரினும்
இதன் பெயர் இன்னிசை என்றிசினோரே
** பஃறொடை வெண்பா

#32
தொடை அடி இத்துணை என்னும் வழக்கம்
உடையதை அன்றி உறுப்பு அழிவில்லா
நடையது பஃறொடை நாமம்கொளலே
** வெண்தாழிசை

#33
தன் பா அடித்தொகை மூன்றாய் இறும் அடி
வெண்பாப் புரைய இறுவது வெள்ளையின்
தன் பா இனங்களின் தாழிசை ஆகும்
** வெண்துறை

#34
ஐந்து ஆறு அடியின் நடந்தவும் அந்தடி
ஒன்றும் இரண்டும் ஒழி சீர்ப்படுநவும்
வெண்துறை நாமம் விதிக்கப்படுமே
** வெளிவிருத்தம்

#35
ஒரு மூன்று ஒரு நான்கு அடியடி-தோறும்
தனிச்சொல் தழுவி நடப்பன வெள்ளை
விருத்தம் எனப் பெயர் வேண்டப்படுமே
** இணைக்குறள் ஆசிரியம்

#36
அளவடி அந்தமும் ஆதியும் ஆகிக்
குறளடி சிந்தடி என்றா இரண்டும்
இடைவர நிற்பது இணைக்குறள் ஆகும்
** அடிமறி மண்டிலம்

#37
உரைப்போர் குறிப்பின் உணர் வகை அன்றி
இடைப்பால் முதல் ஈறு என்று இவை தம்முள்
மதிக்கப்படாதன மண்டில யாப்பே
** ஆசிரியத்துறை

#38
அடித்தொகை நான்கு பெற்று அந்தத் தொடை மேல்
கிடப்பது நால் சீர்க் கிழமையது ஆகி
எடுத்து உரைபெற்ற இரு நெடில் ஈற்றின்
அடிப் பெறின் ஆசிரியத் துறை ஆகும்

#39
அளவடி ஐம் சீர் நெடிலடி தம்முள்
உறழத் தோன்றி ஒத்த தொடையாய்
விளைவதும் அப் பெயர் வேண்டப்படுமே
** ஆசிரிய விருத்தம்

#40
அறு சீர் முதலா நெடியவை எல்லாம்
நெறி-வயின் திரியா நிலத்தவை நான்காய்
விளைகுவது அப் பா இனத்துள் விருத்தம்
** கலிப்பா

#41
வகுத்த உறுப்பின் வழுவுதல் இன்றி
எடுத்து உயிர் துள்ளல் இசையன ஆதல்
கலிச் சொல் பொருள் எனக் கண்டிசினோரே
** கலிப்பாவகை

#42
வெண்கலி ஒத்தாழிசைக்கலி கொச்சகம்
என்று ஒரு மூன்றே கலி என மொழிப
** வெண்கலி

#43
வெண்தளை தன் தளை என்று இரு தன்மையின்
வெண்பா இயலது வெண்கலி ஆகும்
** ஒத்தாழிசைக்கலி

#44
தரவே தாழிசை தனிச்சொல் சுரிதகம்
என நான்கு உறுப்பினது ஒத்தாழிசைக்கலி
** தரவு

#45
தன்னுடை அந்தமும் தாழிசை ஆதியும்
துன்னும் இடத்துத் துணிந்தது போல் இசை
தன்னொடு நிற்றல் தரவிற்கு இயல்பே
** தாழிசை

#46
தத்தமில் ஒத்துத் தரவின் அகப்பட
நிற்பன மூன்றும் நிரந்த தாழிசையே
** தனிச்சொல்

#47
ஆங்கு என் கிளவி அடையாத் தொடைபட
நீங்கி நிற்கும் நிலையது தனிச்சொல்
** சுரிதகம்

#48
ஆசிரியம் வெண்பா என இவை தம்முள்
ஒன்றாகி அடி ஒத்த இறுதி வருவது
சுழியம் எனப் பெயர்ச் சுரிதகம் என்ப
** அம்போதரங்கம்

#49
நீர்த் திரை போல நிரலே முறைமுறை
ஆக்கம் சுருங்கி அசையடி தாழிசை
விட்டிசை விரியத் தொடுத்துச் சுரிதகம்
தாக்கித் தழுவும் தரவினொடு ஏனவும்
யாப்புற்று அமைந்தன அம்போதரங்கம்
** கொச்சகம்

#50
எருத்தியல் இன்றி இடைநிலை பெற்றும்
இடைநிலை இன்றி எருத்து உடைத்தாயும்
எருத்தம் இரட்டித்து இடைநிலை பெற்றும்
இடையது இரட்டித்து எருத்து உடைத்தாயும்
இடையும் எருத்தும் இரட்டுற வந்தும்
எருத்தம் இரட்டித்து இடைநிலை ஆறாய்
அடக்கியல்-காறும் அமைந்த உறுப்புக்
கிடக்கை முறைமையின் கிழமையதாயும்
தரவொடு தாழிசை அம்போதரங்கம்
முடுகியல் போக்கியல் என்று இவை எல்லாம்
முறை தடுமாற மொழிந்தவை இன்றி
இடைநிலை வெண்பாச் சிலபல சேர்ந்து
மற்றும் பிறபிற ஒப்புறுப்பு இல்லன
கொச்சகம் என்னும் குறியின ஆகும்
** கலித்தாழிசை

#51
அந்தடி மிக்குப் பலசிலவாய் அடி
தம்தமில் ஒன்றிய தாழிசை ஆகும்
** கலித்துறை

#52
ஐம் சீர் முடிவின் அடித்தொகை நான்மையொடு
எஞ்ச முடிந்தன எல்லாம் கலித்துறை
** கலிவிருத்தம்

#53
நால் ஒரு சீரான் நடந்த அடித்தொகை
ஈர்_இரண்டு ஆகி இயன்றவை யாவும்
காரிகை சான்ற கலிவிருத்தம்மே
** வஞ்சிப்பா

#54
தன் தளை பாதம் தனிச்சொல் சுரிதகம்
என்று இவை நான்கும் அடுக்கிய தூங்கிசை
வஞ்சி எனப் பெயர் வைக்கப்படுமே
** வஞ்சித்தாழிசை

#55
குறளடி நான்கு இவை கூடினவாயின்
முறைமையின் அவ் வகை மூன்று அணைந்து ஒன்றி
வருவன வஞ்சித் தாழிசை ஆகும்
** வஞ்சித்துறை

#56
ஒன்றினை நான்மை உடைத்தாய்க் குறளடி
வந்தன வஞ்சித் துறை எனல் ஆகும்
** அலகிடும் முறையும் வேறுபாடும்

#57
உயிரளபு ஏழும் உரைத்த முறையான்
வரும் எனின் அவ் இயல் வைக்கப்படுமே

#58
இ உ இரண்டன் குறுக்கம் தளை தப
நிற்புழி ஒற்றாம் நிலைமைய ஆகும்

#59
ஐ என் நெடும் சினை ஆதி ஒழித்து அலகு
எய்தும் இணை அசை என்றிசினோரே

#60
ஆய்தமும் ஒற்றும் அளபு எழூஉ நிற்புழி
வேறு அலகு எய்தும் விதியின ஆகும்
** சீர் மயக்கம்

#61
இயற்சீர் உரிச்சீர் எனும் இரு சீரும்
மயக்கம் உண்மையின் நால் வகைப் பாவும்
இனத்தின் மூன்றும் இனிதின் ஆகும்

#62
உரிச்சீர் விரவலாயும் இயற்சீர்
நடக்குந ஆசிரியத்தொடு வெள்ளை
அந்தம் கனியா இயற்சீர் கலியொடு
வஞ்சி மருங்கின் மயங்குதல் இலவே

#63
நால் அசையால் நடை பெற்றன வஞ்சியுள்
ஈர் ஒன்று இணைதலும் ஏனுழி ஒன்றுசென்று
வஞ்சிக்கு உரைத்தன ஆதலும்
ஆகுந என்ப அறிந்திசினோரே
** ஆசிரியப்பாவுக்கு ஆகாத சீர்கள்

#64
இணை நடு இயலா வஞ்சி உரிச்சீர்
இணை உள ஆசிரியத்தன ஆகா
** பாக்களின் சிறுமை பெருமை

#65
ஒரு தொடை ஈர் அடி வெண்பாச் சிறுமை

#66
இரு தொடை மூன்றாம் அடியின் இழிந்து
வருவன ஆசிரியம் இல் என மொழிப

#67
வஞ்சியும் அப் பா வழக்கின ஆகும்

#68
நான்காம் அடியினும் மூன்றாம் தொடையினும்
தாழ்ந்து கலிப்பாத் தழுவுதல் இலவே

#69
உரைப்போர் குறிப்பினை அன்றிப் பெருமை
வரைத்து இத்துணை என வைத்து உரை இல் என்று
உரைத்தனர் மாதோ உணர்ந்திசினோரே
** வெண்செந்துறை

#70
அந்தம் குறையாது அடி இரண்டாம் எனில்
செந்துறை என்னும் சிறப்பிற்று ஆகும்
** கூன்ஆமாறும் வருமிடமும்

#71
உறுப்பில் குறைந்தவும் பாக்கள் மயங்கியும்
மறுக்கப்படாத மரபின ஆகியும்
எழுவாய் இடமா அடிப் பொருள் எல்லாம்
தழுவ நடப்பது தான் தனிச்சொல்லே

#72
வஞ்சி மருங்கின் இறுதியும் ஆம் எனக்
கண்டனர் மாதோ கடன் அறிந்தோரே
** புறனடை

#73
உணர்த்திய பாவினுள் ஒத்த அடிகள்
வகுத்து உரை பெற்றியும் அன்றிப் பிறவும்
நடக்குந ஆண்டை நடை வகையுள்ளே
**
*