நத்தத்தம் — தி.வே.கோபாலையர் தொகுப்பு

** மறைந்துபோன இலக்கண நூல்கள் – தொகுப்பு

&11 நத்தத்தம் – தி. வே. கோபாலையர் பதிப்பு
** இலக்கண விளக்கம் – வைத்தியநாத தேசிகர்
** பொருளதிகாரம் – செய்யுளியல் பிற்சேர்க்கை

@1 யாப்பின் இலக்கணம்

#1
யாப்பு எனப்படுவது யாது என வினவின்
தூக்கும் தொடையும் அடியும் இ மூன்றும்
நோக்கிற்று என்ப நுணங்கியோரே
** நேர் அசை

#2
தனி நெடில் தனிக் குறில் ஒற்றொடு வருதல் என்று
அ நால் வகைத்தே நேர் அசை என்ப
** நிரை அசை

#3
குறில் இணை குறில் நெடில் ஒற்றொடு வருதல் என்று
அ நால் வகைத்தே நிரை அசை என்ப
** அசை சீர்ஆமாறு

#4
சீர் ஆகு இடனும் உரி அசை உடைய
நேர் ஈற்று இயற்சீர் அல்வழியான
** நேர்அடி இலக்கணம்

#5
நால் சீர் கொண்டது நேரடி ஆம் என்ப
தூக்கொடும் தொடையொடும் சிவணும் என்ப
** நேரடிபெறும் பாக்கள்

#6
ஆசிரியப்பா வெண்பா கலி என
மூ வகைப் பாவும் நேரடிக்கு உரிய
** முரண்தொடை

#7
பொருளினும் மொழியினும் முரணுதல் முரணே
** இயைபுத்தொடை

#8
இறு சீர் ஒன்றின் இயைபு எனப்படுமே
** அளபெடைத் தொடை

#9
அளபெடைத் தொடைக்கே அளபெடை ஒன்றும்
** செந்தொடை

#10
ஒன்றாது ஆவது செந்தொடைக்கு இயல்பே
** இரட்டைத் தொடை

#11
சீர் முழுதும் ஒன்றின் இரட்டை ஆகும்
** தொடையாற் பெயரிடுதல்

#12
முதல் சீர்த் தோற்றம் அல்லது ஏனை
விகற்பம் கொள்ளார் அடி இறந்து வரினே
** பாவுக்குச் சீர் உரிமை

#13
நேர் ஈற்று இயற்சீர் கலி-வயின் இலவே
வஞ்சி மருங்கினும் இறுதியின் இலவே
** பா மயக்கம்

#14
வஞ்சி விரவினும் ஆசிரியம் உரித்தே
வெண்பா விரவினும் கடிவரை இன்றே
** பாக்களின் அடிவரையறை

#15
ஆசிரியப்பாவின் சிறுமைக்கு எல்லை
மூ அடி ஆகும் பெருமை ஆயிரம்

#16
ஈர் அடி முதலா ஒன்று தலை சிறந்து
ஏழ் அடி-காறும் வெண்பாட்டு உரிய

#17
வாயுறைவாழ்த்தே செவியறிவுறூஉவே
கைக்கிளை மயக்கம் கலிவெண்பாட்டே
தத்தம் குறிப்பின் அளவு என மொழிப
** மோனை

#18
முதல் எழுத்து ஒன்றின் மோனை ஆகும்
** எதுகை

#19
அஃது ஒழித்து ஒன்றின் எதுகை ஆகும்
** கிளை எழுத்துக்கள்

#20
ஆ இரு தொடைக்கும் கிளையெழுத்து உரிய
** கூன்ஆமாறு

#21
தானே அடி முதல் பொருள்பெற வருவது
கூன் என மொழிப குறி உணர்ந்தோரே

#22
வஞ்சி இறுதியும் வரையார் என்ப
** வகையுளி

#23
குன்றியும் தோன்றியும் பிறிதுபிறிது ஆகியும்
ஒன்றிய மருங்கினும் ஒருபுடை மகாரம்
அசையும் சீரும் அடியும் எல்லாம்
வகையுளி சேர்த்தல் வல்லோர் மேற்றே
** அடிவரையறை இல்லன

#24
உரையும் நூலும் அடி இன்றி நடப்பினும்
வரைவு இலை என்ப வயங்கியோரே
வாய்மொழி பிசியே முதுசொல் என்றாங்கு
ஆம் முறை மூன்றும் அன்ன என்ப
**
*