சிறுகாக்கைபாடினியம் — மயிலை.சீனி.வேங்கடசாமி அவர்கள் தொகுப்பு

@1 தொல் – பொருள் – செய்யுளியல் ஒன்றாம் சூத்திர உரை – பேராசிரியர்

#1
வட திசை மருங்கின் வடுகு வரம்பாகத்
தென் திசை உள்ளிட்டு எஞ்சிய மூன்றும்
வரை மருள் புணரியொடு கரை பொருது கிடந்த
நாட்டு இயல் வழக்கம் நான்மையின் கடைக்-கண்
யாப்பினது இலக்கணம் அறைகுவன் முறையே

@2 யாப்பருங்கலம் – விருத்தியுரைகாரர் மேற்கோள்

#1
குறிய நெடிய உயிர் உறுப்பு உயிர்மெய்
வலிய மெலிய இடைமை அளபெடை
மூ உயிர்க் குறுக்கமும் ஆம் அசைக்கு எழுத்தே

#2
தனி நெடில் ஆகியும் தனிக் குறில் ஆகியும்
ஒற்றொடு வந்தும் நேர் அசை ஆகும்

#3
குறில் இணை ஆகியும் குறில் நெடில் ஆகியும்
ஒற்றொடு வந்தும் நிரை அசை ஆகும்

#4
இடையும் கடையும் இணையும் ஐ எழுத்தே

#5
ஈர் அசை ஆகிய மூ அசைச் சீர்தான்
நேர் இறின் வெள்ளை நிரை இறின் வஞ்சி

#6
நடுவு நேர் இயலா வஞ்சி உரிச்சீர்
உரிமை உடைய ஆசிரியத்துள்ளே

#7
இயற்சீர் ஒன்றா நிலையது வெண்தளை
உரிச்சீர் அதனில் ஒன்றுதல் இயல்பே

#8
ஈர் அசை இயற்சீர் ஒன்றிய நிலைமை
ஆசிரியத்தளை ஆகும் என்ப

#9
வெண்சீர் இறுதி நிரை வரின் கலித்தளை
வஞ்சி வகைமை வரைவின்று ஆகும்

#10
வஞ்சி அல்லா மூ வகைப் பாவும்
எஞ்சுதல் இலவே நால் சீர் அடி வகை

#11
முதல் எழுத்து ஒன்றி முடிவது மோனை
ஏனையது ஒன்றின் எதுகைத் தொடையே
உறுப்பின் ஒன்றின் விகற்பமும் அப்பால்
நெறிப்பட வந்தன நேரப்படுமே

#12
சொல்லிசை அளபு எழ நிற்பதை அளபெடை

#13
ஒன்றிய தொடையொடும் விகற்பம் தன்னொடும்
ஒன்றாது கிடப்பது செந்தொடை ஆமே

#14
பல் வகைத் தொடை ஒரு பாவினுள் தொடுப்பின்
சொல்லிய முதல் தொடை சொல்லினர் கொளலே

#15
பாவே தாழிசை துறையே விருத்தம் என
நால் வகைப் பாவும் நானான்கு ஆகும்

#16
ஒன்றும் பலவும் விகற்பாய்த் தனிச்சொல்
இன்றி வருவன இன்னிசை வெண்பா

#17
தொடை பல தொடுப்பன பஃறொடை வெண்பா

#18
அடி மூன்று ஆகி வெண்பாப் போல
இறுவன மூன்றே வெள் ஒத்தாழிசை

#19
நான்கும் மூன்றும் அடி-தொறும் தனிச்சொல்
தோன்ற வருவன வெளிவிருத்தம்மே

#20
இறு சீர் அடி மேல் ஒரு சீர் குறையடி
பெறுவன நேரிசை ஆசிரியம்மே

#21
இடையிடை சீர் தபின் இணைக்குறள் ஆகும்

#22
கொண்ட அடி முதலாய் ஒத்து இறுவது
மண்டில யாப்பு என வகுத்தனர் புலவர்

#23
அடி மூன்று ஒத்து இறின் ஒத்தாழிசையே

#24
அறு சீர் எழு சீர் அடி மிக வரூஉம்
முறைமைய நால் அடி விருத்தம் ஆகும்

#25
தரவே தாழிசை தனிச்சொல் சுரிதகம்
வருவன எல்லாம் தாழிசைக் கலியே

#26
சேர்த்திய தரவொடு தாழிசைப் பின்னர்
நீர்த் திரை போல நெறிமையின் சுருங்கி
மூ வகை என்னும் முறைமையின் வழாஅ
அளவின எல்லாம் அம்போதரங்கம்

#27
அந்த அடி மிக்கு அல்லா அடியே
தம்தமுள் ஒப்பன கலித்தாழிசையே

#28
நால் சீர் நால் அடி கலிவிருத்தம்மே

#29
எஞ்சா இரு சீர் நால் அடி மூன்று எனில்
வஞ்சித் தாழிசை தனி வரில் துறையே

#30
மூச் சீர் நால் அடி ஒத்தவை வரினே
வஞ்சி விருத்தம் என்றனர் கொளலே

#31
தனிச்சொல் என்பது அடி முதல் பொருளொடு
தனித்தனி நடக்கும் வஞ்சியுள் ஈறே
**
*