காக்கைபாடினியம் – மயிலை சீனி வேங்கடசாமி

@1 யாப்பருங்கல விருத்தி யுரைகாரார் மேற்கோள்

#1
தொல்காப்பியப் புலவோர் தோன்ற விரித்துரைத்தார்
பல்காயனார் பகுத்துப் பன்னினார் நல் யாப்புக்
கற்றார் மதிக்கும் கலைக் காக்கைபாடினியார்
சொற்றார் தம் நூலுள் தொகுத்து

@2 யாப்பருங்கலக் காரிகை – குணசாகரர் உரை – மேற்கோள்

#1
குறில் நெடில் அளபெடை உயிர் உறுப்பு உயிர்மெய்
வலிய மெலிய இடைமையோடு ஆய்தம்
இ உ ஐ என் மூன்றன் குறுக்கமோடு
அப் பதின்மூன்றும் அசைக்கு உறுப்பு ஆகும்

#2
நால் அசையானும் நடைபெறும் ஓர் அசை
சீர் நிலை எய்தலும் சில இடத்து உளவே

#3
கூறிய வஞ்சிக்கு உரியன ஆகலும்
ஆகுந என்ப அறிந்திசினோரே

#4
குன்று கூதிர் பண்பு தோழி
விளி இசை முத்து உறழ் என்று இவை எல்லாம்
தெளிய வந்த செந்துறைச் செந்துறை

#5
இயற்சீர் இரண்டு தலைப்பெயல் தம்முள்
விகற்ப வகையது வெண்தளை ஆகும்

#6
உரிச்சீரதனுள் உரைத்ததை அன்றிக்
கலக்கும் தளை எனக் கண்டிசினோரே

#7
இயற்சீர் இரண்டு தலைப்பெயல் தம்முள்
விகற்பம் இலவாய் விரவி நடப்பின்
அதன் பெயர் ஆசிரியத்தளை ஆகும்

#8
வெண்சீர் இறுதியின் நேர் அசை பின்வரின்
வெண்சீர் வெண்தளை ஆகும் என்ப

#9
வெண்சீர் இறுதிக்கு இணை அசை பின்வரக்
கண்டன எல்லாம் கலித்தளை ஆகும்

#10
தன் சீர் இரண்டு தலைப்பெயல் தம்முள் ஒத்து
ஒன்றினும் ஒன்றாது ஒழியினும் வஞ்சியின்
பந்தம் எனப் பெயர் பகரப்படுமே

#11
இரு சீர் குறளடி சிந்தடி முச் சீர்
அளவடி நால் சீர் ஐம் சீர் நெடிலடி
அறு சீர் கழிநெடில் ஆகும் என்ப

#12
எண் சீர் எழு சீர் இவையும் கழிநெடிற்கு
ஒன்றிய என்ப உணர்ந்திசினோரே

#13
இரண்டு முதலா எட்டு ஈறாகத்
திரண்ட சீரான் அடி முடிவு உடைய
இறந்தன வந்து நிறைந்து அடி முடியினும்
சிறந்த அல்ல செய்யுளுள்ளே

#14
ஒரு தொடை ஈர் அடி வெண்பாச் சிறுமை
இரு தொடை மூன்றாம் அடியின் இழிந்து
வருவன ஆசிரியம்_இல் என மொழிப
வஞ்சியும் அப் பா வழக்கின ஆகும்

#15
நான்காம் அடியினும் மூன்றாம் தொடையினும்
தாழ்ந்து கலிப்பாத் தழுவுதல் இலவே

#16
உரைப்போர் குறிப்பினை நீக்கிப் பெருமை
வரைத்து இத்துணை என வைத்து உரை இல் என்று
உரைத்தனர் மாதோ உணர்ந்திசினோரே

#17
அசையினும் சீரினும் இசையினும் எல்லாம்
இசையாது ஆவது செந்தொடை தானே

#18
தொடை ஒன்று அடி இரண்டு ஆகி வருமேல்
குறளின் பெயர்க் கொடை கொள்ளப்படுமே

#19
இரண்டாம் அடியின் ஈறு ஒரூஉ எய்தி
முரண்ட எதுகையது ஆகியும் ஆகாது
இரண்டு துணியாய் இடை நனி போழ்ந்தும்
நிரந்து அடி நான்கின நேரிசை வெண்பா

#20
தொடை அடி இத்துணை என்னும் வழக்கம்
உடையதை அன்றி உறுப்பு அழிவில்லா
நடையது பஃறொடை நாமம்கொளலே

#21
ஒரு மூன்று ஒரு நான்கு அடியடி-தோறும்
தனிச்சொல் தழுவி நடப்பன வெள்ளை
விருத்தம் எனப் பெயர் வேண்டப்படுமே

#22
அளவடி அந்தமும் ஆதியும் ஆகிக்
குறளடி சிந்தடி என்றா இரண்டும்
இடைவர நிற்பது இணைக்குறள் ஆகும்

#23
ஒத்த அடித்தாய் உலையா மரபொடு
நிற்பதுதானே நிலைமண்டிலமே

#24
என் என் கிளவி ஈறாப் பெறுதலும்
அன்னவை பிறவும் அந்தம் நிலைபெற
நிற்கவும் பெறூஉம் நிலைமண்டிலமே

#25
உரைப்போர் குறிப்பின் உணர் வகை இன்றி
இடைப்பான் முதல் ஈறு என்று இவை தம்முள்
மதிக்கப்படாதன மண்டில யாப்பே

#26
தரவு தாழிசை தனிச்சொல் சுரிதகம்
என நான்கு உறுப்பினது ஒத்தாழிசைக்கலி

#27
நீர்த் திரை போல நிரலே முறைமுறை
ஆக்கம் சுருங்கி அசையடி தாழிசை
விட்டு இசை விரியத் தொடுத்துச் சுரிதகம்
தாங்கித் தழுவும் தரவினோடு ஐந்தும்
யாப்புற்று அமைந்தன அம்போதரங்கம்

#28
வெண்தளை தன் தளை என்று இரு தன்மையின்
வெண்பா இயலது வெண்கலி ஆகும்

#29
அந்தடி மிக்குப் சிலபலவாய் அடி
தம்தமுள் ஒப்பன தாழிசை ஆகும்

#30
எருத்தியல் இன்றி இடைநிலை பெற்றும்
இடைநிலை இன்றி எருத்து உடைத்தாகியும்
எருத்தம் இரட்டித்து இடைநிலை பெற்றும்
இடையது இரட்டித்து எருத்து உடைத்தாயும்
இடையும் எருத்தும் இரட்டுற வந்தும்
எருத்தம் இரட்டித்து இடைநிலை ஆறாய்
அடக்கியல்-காறும் அமைந்த உறுப்பின்
கிடக்கை முறையில் கிழமையதாயும்
தரவொடு தாழிசை அம்போதரங்கம்
முடுகியல் போக்கியல் என்று இவை எல்லாம்
முறை தடுமாற மொழிந்தவை அன்றி
இடையிடை வெண்பாச் சிலபல சேர்ந்தும்
மற்றும் பிறபிற ஒப்புறுப்பு இல்லன
கொச்சகம் என்னும் குறியின ஆகும்

#31
ஐம் சீர் அடியின் அடித்தொகை நான்மையோடு
எஞ்சாது இயன்றன எல்லாம் கலித்துறை

#32
நால் ஒரு சீரான் நடந்த அடித்தொகை
ஈர்_இரண்டு ஆகி இயன்றன யாவையும்
காரிகை சார்ந்த கலிவிருத்தம்மே

#33
குறளடி நான்கு அவை கூடின ஆகி
முறைமையின் அவ் வகை மூன்று இணைந்து ஒன்றாய்
வருவன வஞ்சித் தாழிசை ஆகும்

#34
வெள்ளை முதலா ஆசிரியம் இறுதி
கொள்ளத் தொடுப்பது மருட்பா ஆகும்

#35
இ உ இரண்டின் குறுக்கல் தளை தப
நிற்புழி ஒற்றாம் நிலைமைய ஆகும்

#36
உயிரளபு ஏழும் உரைத்த முறையான்
வரும் எனின் அவ் இயல் வைக்கப்படுமே

#37
ஆய்தமும் ஒற்றும் அளபு எழ நின்றுழி
வேறு அலகு எய்தும் விதியின ஆகும்

@3 வீரசோழிய உரை – பெருந்தேவனார் மேற்கோள்

#1
உரைத்த பாவினுக்கு ஒத்த அடிகள்
வகுத்துரை பெற்றி அன்றிப் பிறவும்
நடக்கும் மாண நடத்தையுள்ளே

@4 பேராசிரியர், தொல் – (பொருள் – செய்யுளியல்) உரை – மேற்கோள்

#1
வெண்சீர் ஒன்றின் வெண்தளை கொளாஅல்

#2
வெண்சீர் ஒன்றினும் வெண்தளை ஆகும்
இன்சீர் விரவிய காலையான

@5 யாப்பருங்கல விருத்தியுரை – மேற்கோள்

#1
குறில் நெடில் அளபெடை உயிர் உறுப்பு உயிர்மெய்
வலிய மெலிய இடைமையொடு ஆய்தம்
இ உ ஐ என மூன்றன் குறுக்கமொடு
அப் பதின்மூன்றும் அசைக்கு உறுப்பு ஆகும்

#2
ஆய்தமும் ஒற்றும் அளபு எழு நின்றுழி
வேறு அலகு எய்தும் விதியின ஆகும்

#3
இ உ இரண்டன் குறுக்கம் தளை தப
நிற்புழி ஒற்றாம் நிலையின ஆகும்

#4
உயிரளபு ஏழும் உரைத்த முறையான்
வரும் எனின் அவ் இயல் வைக்கப்படுமே

#5
தனி அசை என்றா இணை அசை என்னா
இரண்டு என மொழிமனார் இயல்பு உணர்ந்தோரே

#6
நெடிலொடு நெடிலும் நெடிலொடு குறிலும்
இணை அசை ஆதல் இல என மொழிப

#7
ஐ என் நெடும் சினை ஆதி ஒழித்து அலகு
எய்தும் இணை அசை என்றிசினோரே

#8
ஒரோ அகையினால் ஆகிய ஈர் அசைச்
சீர் இயற்சீர் எனச் செப்பினர் புலவர்

#9
இயற்சீர் எல்லாம் ஆசிரிய உரிச்சீர்

#10
மூ அசையான் முடிவு எய்திய எட்டனுள்
அந்தம் தனி அசை வெள்ளை அல்லன
வஞ்சிக் கிழமை வகைப்பட்டனவே

#11
இயற்சீர் உரிச்சீர் என இரு சீரும்
மயக்க முறைமையின் நால் வகைப் பாவும்
இனத்தின் மூன்றும் இனிதின் ஆகும்

#12
உரிச்சீர் விரவலாயும் இயற்சீர்
நடக்குன ஆசிரியத்தொடு வெள்ளை
அந்தம் தனியாய் இயற்சீர் கலியொடு
வஞ்சி மருங்கின் மயங்குதல் இலவே

#13
நால் அசையால் நடை பெற்றன வஞ்சியுள்
ஈர் ஒன்று இணைதலும் ஏனுழி ஒன்றுசென்று
ஆகலும் அந்தம் இணை அசை வந்தன
கூறிய வஞ்சிக்கு உரியன ஆகலும்
ஆகுன என்ப அறிந்திசினோரே

#14
இணை நடு இயலா வஞ்சி உரிச்சீர்
இணை உள ஆசிரியத்தன ஆகா

#15
இயற்சீர் இரண்டு தலைப்பெயல் தம்முள்
விகற்ப வகையது வெண்தளை ஆகும்

#16
உரிச்சீரதனுள் உரைத்ததை அன்றிக்
கலக்கும் தளை எனக் கண்டிசினோரே

#17
இயற்சீர் இரண்டு தலைப்பெயல் தம்முள்
விகற்பம் இலவாய் விரவி நடப்பின்
அதன் பெயர் ஆசிரியத்தளை ஆகும்

#18
வெண்சீர் இறுதிக்கு இணை அசை பின்வரக்
கண்டன எல்லாம் கலித்தளை ஆகும்

#19
தன் சீர் இரண்டு தலைப்பெயல் தம்முள் ஒத்து
ஒன்றினும் ஒன்றாது ஒழியினும் வஞ்சியின்
பந்தம் எனப் பெயர் பகரப்படுமே

#20
குறள் சிந்து அளவு நெடில் கழிநெடில் என்று
ஐ வகை மரபின அடி வகை தானே

#21
இரு சீர் குறளடி சிந்தடி முச் சீர்
அளவடி நால் சீர் அறு சீர் அதனின்
இழிபு நெடிலடி என்றிசினோரே

#22
சிந்தடி குறளடி என்றா இரண்டும்
வஞ்சிக் கிழமை வகைப்பட்டனவே

#23
ஆசிரியம் வெண்பாக் கலியொடு மும்மையும்
நால் சீர் அடியால் நடைபெற்றனவே

#24
சிந்தும் குறளும் வருதலும் அவ்வழி
உண்டு என்று அறைய உணர்ந்திசினோரே

#25
விருத்தம் துறையொடு தாழிசை என்றா
இனச் செய்யுள் எல்லா அடியினும் நடக்கும்

#26
ஒரு தொடை ஈர் அடி வெண்பாச் சிறுமை
இரு தொடை மூன்றாம் அடியின் இழிந்து
வருவன ஆசிரியம் இல் என மொழிப
வஞ்சியும் அப் பா வழக்கின ஆகும்

#27
நான்காம் அடியினும் மூன்றாம் தொடையினும்
தாழ்ந்து கலிப்பாத் தழுவுதல் இலவே

#28
உரைப்போர் குறிப்பினை அன்றிப் பெருமை
வரைத்து இத்துணை என வைத்து உரை இல் என்று
உரைத்தனர் மாதோ உணர்ந்திசினோரே

#29
தொடை எனப்படுவது அடை வகை தெரியின்
எழுத்தொடு சொல் பொருள் என்று இவை மூன்றின்
நிரல்பட வந்த நெறிமைத்து ஆகி
அடியோடு அடியிடை யாப்புற நிற்கும்
முடிவினது என்ப முழுது உணர்ந்தோரே

#30
மொழியினும் பொருளினும் முரணத் தொடுப்பின்
இரணத் தொடை என்று எய்தும் பெயரே

#31
செம்பகை அல்லா மரபினதாம் தம்முள்
ஒன்றா நிலையது செந்தொடை ஆகும்

#32
தொடை அடியுள் பல வந்தால் எழுவாய்
உடையதனால் பெயர் ஒட்டப்படுமே

#33
வெண்பா விருத்தம் துறையொடு தாழிசை
என்று இ முறையின் எண்ணிய மும்மையும்
தத்தம் பெயரால் தழுவும் பெயரே

#34
சிறந்து உயர் செப்பல் இசையன ஆகி
அறைந்த உறுப்பின் அகறல் இன்றி
விளங்கக் கிடப்பது வெண்பா ஆகும்

#35
சிந்தடியானே இறுதலும் அவ் அடி
அந்தம் அசைச் சீர் வருதலும் யாப்புற
வந்தது வெள்ளை வழக்கியல் தானே

#36
தொடை ஒன்று அடி இரண்டு ஆகி வருமேல்
குறளின் பெயர்க் கொடை கொள்ளப்படுமே

#37
இரண்டாம் அடியின் ஈறு ஒரூஉ எய்தி
முரண்ட எதுகையது ஆகியும் ஆகாது
இரண்டு துணியாய் இடை நனி போழ்ந்தும்
நிரந்து அடி நான்கின நேரிசை வெண்பா

#38
தனிச்சொல் தழுவல ஆகி விகற்பம்
பலபல தோன்றினும் ஒன்றே வரினும்
இதன் பெயர் இன்னிசை என்றிசினோரே

#39
தொடை அடி இத்துணை என்னும் வழக்கம்
உடையதை அன்றி உறுப்பு அழிவில்லா
நடையது பஃறொடை நாமம்கொளலே

#40
ஒரு விகற்பு ஆகித் தனிச்சொல் இன்றியும்
இரு விகற்பு ஆகித் தனிச்சொல் இன்றியும்
தனிச்சொல் பெற்றுப் பல விகற்பு ஆகியும்
தனிச்சொல் இன்றிப் பல விகற்பு ஆகியும்
அடியடி-தோறும் ஒரூஉத் தொடை அடைநவும்
என ஐந்து ஆகும் இன்னிசை தானே

#41
அந்தம் குறையாது அடி இரண்டாம் எனில்
செந்துறை என்னும் சிறப்பிற்று ஆகும்

#42
தன் பா அடித்தொகை மூன்றாய் இறும் அடி
வெண்பாப் புரைய இறுவது வெள்ளையின்
தன் பா இனங்களில் தாழிசை ஆகும்

#43
ஐந்து ஆறு அடியின் நடந்தவும் அந்தடி
ஒன்றும் இரண்டும் மொழி சீர்ப்படுதவும்
வெண்துறை நாமம் விதிக்கப்படுமே

#44
ஒரு மூன்று ஒரு நான்கு அடியடி-தோறும்
தனிச்சொல் தழுவி நடப்பன வெள்ளை
விருத்தம் எனப் பெயர் வேண்டப்படுமே

#45
அளவடி அந்தமும் ஆதியும் ஆகிக்
குறளடி சிந்தடி என்றா இரண்டும்
இடைவர நிற்பது இணைக்குறள் ஆகும்

#46
உரைப்போர் குறிப்பின் உணர் வகை அன்றி
இடைப்பால் முதல் ஈறு என்று இவை தம்முள்
மதிக்கப்படாதன மண்டில யாப்பே

#47
அடித்தொகை நான்கு பெற்று அந்தத் தொடை மேல்
கிடப்பது நால் சீர்க் கிழமையது ஆகி
எடுத்து உரைபெற்ற இரு நெடில் ஈற்றின்
அடிப் பெறின் ஆசிரியத் துறை ஆகும்

#48
அளவடி ஐம் சீர் நெடிலடி தம்முள்
உறழத் தோன்றி ஒத்த தொடையாய்
விளைவதும் அப் பெயர் வேண்டப்படுமே

#49
அறு சீர் முதலா நெடியவை எல்லாம்
நெறி-வயின் திரியா நிலத்தவை நான்காய்
விளைகுவது அப் பா இனத்து உள விருத்தம்

#50
வகுத்த உறுப்பின் வழுவுதல் இன்றி
எடுத்து உயர் துள்ளல் இசையன ஆகல்
கலிச் சொல் பொருள் எனக் கண்டிசினோரே

#51
வெண்கலி ஒத்தாழிசைக்கலி கொச்சகம்
என்று ஒரு மூன்றே கலி என மொழிப

#52
தரவே தாழிசை தனிநிலை சுரிதகம்
என நான்கு உறுப்பினது ஒத்தாழிசைக்கலி

#53
தன்னுடை அந்தமும் தாழிசை ஆதியும்
துன்னும் இடத்துத் துணிந்தது போல் இசை
தன்னொடு நிற்றல் தரவிற்கு இயல்பே

#54
தத்தமில் ஒத்துத் தரவின் அகப்பட
நிற்பன மூன்று நிரந்தவை தாழிசை

#55
ஆங்கு என் கிளவி அடையாத் தொடைபட
நீங்கி இசைக்கும் நிலையது தனிச்சொல்

#56
ஆசிரியம் வெண்பா என இவை தம்முள்
ஒன்றாகி அடிபெற்று இறுதி வருவது
சுழியம் என் பெயர் சுரிதகம் ஆகும்

#57
நீர்த் திரை போல நிரலே முறைமுறை
ஆக்கம் சுருங்கி அசையடி தாழிசை
விட்டிசை விரியத் தொடுத்துச் சுரிதகம்
தாங்கித் தழுவும் தரவினோடு ஏனவும்
யாப்புற்று அமைந்தன அம்போதரங்கம்

#58
வெண்தளை தன் தளை என்று இரு தன்மையின்
வெண்பா இயலது வெண்கலி ஆகும்

#59
எருத்தியல் இன்றி இடைநிலை பெற்றும்
இடைநிலை இன்றி எருத்து உடைத்தாயும்
எருத்தம் இரட்டித்து இடைநிலை பெற்றும்
இடையது இரட்டித்து எருத்து உடைத்தாயும்
இடையும் எருத்தும் இரட்டுற வந்தும்
எருத்தம் இரட்டித்து இடைநிலை ஆறாய்
அடக்கியல்-காறும் அமைந்த உறுப்புக்
கிடக்கை முறையில் கிழமையதாயும்
தரவொடு தாழிசை அம்போதரங்கம்
முடுகியல் போக்கியல் என்று இவை எல்லாம்
முறை தடுமாற மொழிந்தவை அன்றி
இடையிடை வெண்பாச் சிலபல சேர்ந்தும்
மற்றும் பிறபிற ஒப்புறுப்பு இல்லன
கொச்சகம் என்னும் குறியின ஆகும்

#60
அந்தடி மிக்குப் பலசிலவாய் அடி
தம்தமில் ஒன்றிய தாழிசை ஆகும்

#61
ஐம் சீர் முடிவின் அடித்தொகை நான்மையோடு
எஞ்சா மொழிந்தன எல்லாம் கலித்துறை

#62
நால் ஒரு சீரான் நடந்த அடித்தொகை
ஈர்_இரண்டு ஆகி இயன்றவை யாவும்
காரிகை சான்ற கலிவிருத்தம்மே

#63
தன் தளை பாதம் தனிச்சொல் சுரிதகம்
என்று இவை நான்கும் அடுக்கிய தூங்கிசை
வஞ்சி எனப்பெயர் வைக்கப்படுமே

#64
ஒன்றின நான்மை உடையதாய்க் குறளடி
வந்தன வஞ்சித் துறை எனல் ஆகும்

#65
குறளடி நான்கு இவை கூடின ஆகி
முறைமையின் அவ் வகை மூன்று இணைந்து ஒன்றி
வருவன வஞ்சித் தாழிசை ஆகும்

#66
உணர்த்திய பாவினுக்குள் ஒத்த அடிகள்
வகுத்து உரை பெற்றியும் அன்றிப் பிறவும்
நடக்குன ஆண்டை நடைவகையுள்ளே

#67
உறுப்பில் குறைந்தவும் பாக்கள் மயங்கியும்
மறுக்கப்படாத மரபின ஆகியும்
எழுவாய் இடமா அடிப் பொருள் எல்லாம்
தழுவ நடப்பது தான் தனிச்சொல்லே

#68
வஞ்சி மருங்கின் இறுதியும் ஆம் எனக்
கண்டனர் மாதோ கடன் அறிந்தோரே

@6
** காக்கைபாடினியார் கூறும் தமிழ் நூல் வழங்கும் எல்லை
** இறையனார் அகப்பொருள் உரையாசிரியர் – உரைப்பாயிரத்தில்

#1
வடக்கும் தெற்கும் குடக்கும் குணக்கும்
வேங்கடம் குமரி தீம் புனல் பௌவம் என்று
அ நான்கு எல்லை அக-வயின் கிடந்த
நூலதின் முறையே வாலிதின் விரிப்பின்
**