Select Page

பெரும்பாணாற்றுப்படை

சங்கச்சோலை

சொற்பிரிப்பு-மூலம்அடிநேர்-உரை
அகல் இரு விசும்பில் பாய் இருள் பருகிஅகன்ற பெரிய வானில் பரந்த இருளை விழுங்கி,
பகல் கான்று எழுதரு பல் கதிர் பருதிபகற்பொழுதைத் தோற்றுவித்து, எழுதலைச்செய்யும் பல கதிர்களையுடைய ஞாயிறு
காய் சினம் திருகிய கடும் திறல் வேனில்சுடுகின்ற தீ(யின் வெப்பம்) தீவிரமாகிய கடுமையான வீரியமுடைய (முது)வேனில் காலத்தில்,
பாசிலை ஒழித்த பராஅரை பாதிரிபசிய இலைகளை உதிர்த்த பெருத்த அடிமரத்தையுடைய பாதிரியின்
வள் இதழ் மா மலர் வயிற்று இடை வகுத்ததன்  5வளமையான இதழையுடைய பெரிய பூவின் வயிற்றை நடுவே பிளந்ததனுடைய               5
உள்ளகம் புரையும் ஊட்டுறு பச்சைஉள்ளிடத்தைப் போன்ற நிறமூட்டப்பெற்ற தோலினையும்;
பரி அரை கமுகின் பாளை அம் பசும் பூபருத்த அடிமரத்தையுடைய கமுகின் பாளையாகிய அழகினையுடைய இளம் பூ
கரு இருந்து அன்ன கண்கூடு செறி துளை(விரியாமல்)கருவாய் இருந்ததைப் போன்ற (இரண்டு)கண்ணும் கூடின செறிந்த துளையினையும்;
உருக்கி அன்ன பொருத்துறு போர்வைஉருக்கி (ஒன்றாக வார்த்ததைப்)போன்ற (தோல் வேறுபாடு தெரியாமல்)பொருத்தப்பட்ட உறையினையும்;
சுனை வறந்து அன்ன இருள் தூங்கு வறு வாய்  10சுனை வற்றியதைப் போன்ற இருள் செறிந்த உள்நாக்கில்லாத வாயினையும்;                  10
பிறை பிறந்து அன்ன பின் ஏந்து கவை கடைபிறை பிறந்ததைப் போன்று பின்புறம் ஏந்தியிருக்கின்ற பிளவுபட்ட கடையினையும்;
நெடும் பணை திரள் தோள் மடந்தை முன்கைநீண்ட மூங்கில் (போன்ற)திரண்ட தோளினையுடைய பெண்ணின் முன்கையில்(உள்ள)
குறும் தொடி ஏய்க்கும் மெலிந்து வீங்கு திவவின்குறிய தொடியைப் போன்ற, நெகிழ்ந்தும் இறுகியும் உள்ள வார்க்கட்டினையும்;
மணி வார்ந்து அன்ன மா இரு மருப்பின்நீலமணி (நீரைப்போல்)ஒழுகினாற் போன்ற கருமை நிறத்தையுடைய பெரிய தண்டினையும்;
பொன் வார்ந்து அன்ன புரி அடங்கு நரம்பின்         15பொன் (உருக்கப்பட்டுக் கம்பியாக)வார்த்ததைப் போன்ற முறுக்கு அடங்கின நரம்பினையும் உடைய     15
தொடை அமை கேள்வி இட வயின் தழீஇகட்டமைந்த யாழை இடத்தோளின் பக்கத்தே அணைத்து,
வெம் தெறல் கனலியொடு மதி வலம் திரிதரும்வெம்மையான சினம் கொண்ட ஞாயிற்றுடன் திங்களும் வலமாகத் திரிதலைச் செய்யும்
தண் கடல் வரைப்பில் தாங்குநர் பெறாதுகுளிர்ந்த கடல் (சூழ்ந்த)உலகில் (உன்னை)ஆதரிப்போரைப் பெறாமல்,
பொழி மழை துறந்த புகை வேய் குன்றத்துபொழியும் மழை புறக்கணித்த (நிலத்தில் எழுந்த)ஆவி சூழ்ந்த மலையிலுள்ள
பழு மரம் தேரும் பறவை போல                        20பழுத்த மரத்தைத் தேடித்திரியும் பறவைகளைப் போல,                                           20
கல்லென் சுற்றமொடு கால் கிளர்ந்து திரிதரும்அழுகின்ற சுற்றத்துடன் கால் போனவழியே செல்லும்
புல்லென் யாக்கை புலவு வாய் பாணபொலிவழிந்த உடம்பினையும் புலவு நாறும் வாயினையுமுடைய பாணனே –
பெரு வறம் கூர்ந்த கானம் கல்லெனபெரிய வறட்சி மிக்க கானம்(முழுதும்) கல்லென்ற ஆரவாரத்தால் நிறையும்படியாக
கருவி வானம் துளி சொரிந்து ஆங்குகூட்டமான மேகங்கள் மழையைச் சொரிந்தாற் போன்று,
பழம் பசி கூர்ந்த எம் இரும் பேர் ஒக்கலொடு                25நீண்டநாட் பசி மிக்க (எம்முடைய)கரிய பெரிய சுற்றத்தோடு                                    25
வழங்க தவாஅ பெரு வளன் எய்தி(பிறருக்குக்)கொடுக்கவும் மாளாத பெரிய செல்வத்தைப் பெற்று,
வால் உளை புரவியொடு வய களிறு முகந்துகொண்டுவெண்மையான தலையாட்டுச்சிறகுகளையுடைய குதிரையுடன் வலிமையான யானைகளையும் வாரிக்கொண்டு
யாம் அவணின்றும் வருதும் நீயிரும்யாம் அவன் ஊரினின்று வருகின்றோம் – நீங்களும்,
இரு நிலம் கடந்த திரு மறு மார்பின்பெரிய நிலத்தை அளந்துகொண்ட திருவாகிய மறுவை அணிந்த
முந்நீர் வண்ணன் பிறங்கடை அ நீர்         30கடல் (போலும்) நிறத்தையுடையவன் பின்னிடத்தோனாய் (அமைய), அக் கடலின்                        30
திரை தரு மரபின் உரவோன் உம்பல்திரை கொணர்ந்து ஏறவிட்ட பாரம்பரியம் கொண்ட சோழன் குடிபிறந்தோனாகிய,
மலர் தலை உலகத்து மன் உயிர் காக்கும்அகன்ற இடத்தையுடைய உலகத்தில் நிலைபெற்ற உயிர்களைப் புரக்கும்
முரசு முழங்கு தானை மூவருள்ளும்முரசு முழங்குகின்ற படைகளையுடைய மூவேந்தர்க்குள்ளும்,
இலங்கு நீர் பரப்பின் வளை மீக்கூறும்விளங்குகின்ற நீரையுடைய கடலிடத்துப் பிறந்த சங்குகளில் மேலாகக்கூறப்படும்
வலம்புரி அன்ன வசை நீங்கு சிறப்பின்              35வலம்புரி(ச் சங்கை) ஒத்த, குற்றம் தீர்ந்த தலைமையினையும்,                                 35
அல்லது கடிந்த அறம் புரி செங்கோல்(நல்லது)அல்லாததை விலக்கிய அறத்தை விரும்பின செங்கோலையும்,
பல் வேல் திரையன் படர்குவிர் ஆயின்பல வேற்படையினையும் உடைய திரையனிடம் செல்ல எண்ணுவீராயின் –
கேள் அவன் நிலையே கெடுக நின் அவலம்கேட்பாயாக, அவனின் தன்மையை, கெடுக நின் துயரம் –
அத்தம் செல்வோர் அலற தாக்கி(வேறு ஊர்களுக்கான)வழியில் போவாரை (அவர்)கதறும்படி வெட்டி,
கைப்பொருள் வௌவும் களவு ஏர் வாழ்க்கை             40(அவர்)உடைமைகளைக் கைப்பற்றும் களவே உழவு (போலத் தொழிலாகவுடைய)வாழ்வாகக்கொண்ட       40
கொடியோர் இன்று அவன் கடி உடை வியன் புலம்கொடியவர் இல்லாதது, அவ் வள்லலின் காவலை உடைய அகன்ற நாடு;
உருமும் உரறாது அரவும் தப்பாஇடியேறும் இடியாது; பாம்புகளும் கொல்லமாட்டா;
காட்டு மாவும் உறுகண் செய்யா வேட்டாங்குகாட்டு விலங்குகளும் தீங்கு செய்யமாட்டா; (நீ)விரும்பியபடியே,
அசைவுழி அசைஇ நசைவுழி தங்கிஇளைத்தவிடத்தே இளைப்பாறி, விரும்பியவிடத்தே தங்கி,
சென்மோ இரவல சிறக்க நின் உள்ளம்          45செல்வாயாக, இரவலனே, சிறப்புறுவதாக நின் நெஞ்சம் –                                         45
கொழும் சூட்டு அருந்திய திருந்து நிலை ஆரத்துகொழுவிய வட்டைகள் தம் அகத்தே கொண்ட, திருத்தமான நிலையிலுள்ள ஆரங்களையுடைய,
முழவின் அன்ன முழு மர உருளிமத்தளம் போன்று முழுமர(த்தால் கடைந்த) உருளியினையும்,
எழூஉ புணர்ந்து அன்ன பரூஉ கை நோன் பார்(இரண்டு)கணைய மரங்களையும் சேர்த்தாற் போன்ற பருத்த கைகளையுடைய, வலிய, கோக்கும் சட்டத்தையும்,
மாரி குன்றம் மழை சுமந்து அன்னமழைக் காலத்து மலை முகிலைச் சுமந்தாற் போன்று,
ஆரை வேய்ந்த அறை வாய் சகடம்              50(தாளிப்பனையோலையால் செய்த)பாய் வேய்ந்த, (வழியை)அறைக்கும் விளிம்புகள் கொண்ட வண்டி-        50
வேழம் காவலர் குரம்பை ஏய்ப்பயானை(புனத்தில் தின்னாமல்) காக்கின்றோர் (இதண் மேல் கட்டின)குடிலைப் போன்ற,
கோழி சேக்கும் கூடு உடை புதவின்கோழிகள் தங்கும் கூட்டை உடைய (குடிலின்)வாயிலில்,
முளை எயிற்று இரும் பிடி முழந்தாள் ஏய்க்கும்(மூங்கில்)முளை(போன்ற) கொம்பினையுடைய கரிய பிடியின் முழந்தாளை ஒக்கும்,
துளை அரை சீறுரல் தூங்க தூக்கிதுளையைத் தன்னிடத்தேயுடைய சிறிய உரலைத் தொங்கும்படி தூக்கி,
நாடக மகளிர் ஆடுகளத்து எடுத்த            55நாடக மகளிர் (தாம்)ஆடும் களத்தில் கொண்டுவந்த                                                     55
விசி வீங்கு இன் இயம் கடுப்ப கயிறு பிணித்துவார்ப்பிணிப்பு இறுகின இனிய இசைக்கருவி(யான முழவை) ஒப்பக் கயிற்றால் (சுற்றிக்)கட்டி,
காடி வைத்த கலன் உடை மூக்கின்காடி வைத்த மிடாவினுடைய மூக்கணை மீதிருந்து,
மகவு உடை மகடூஉ பகடு புறம் துரப்பகுழவியைக் கைக்கொண்ட பெண் எருத்தை முதுகிலே அடிப்ப –
கோட்டு இணர் வேம்பின் ஏட்டு இலை மிடைந்தகொம்பிடத்தே பூங்கொத்தையுடைய வேம்பின் மேன்மையையுடைய இலையை இடையிடையே கட்டிய
படலை கண்ணி பரேர் எறுழ் திணி தோள்                60தழை விரவின மாலையையும், பருத்த அழகினையும், வலிமையினையும் உடைய இறுகின தோளினையும்  60
முடலை யாக்கை முழு வலி மாக்கள்முறுக்குண்ட உடம்பினையும், நிரம்பிய மெய்வலியினையும் உடைய மாக்கள்
சிறு துளை கொடு நுகம் நெறிபட நிரைத்தசிறிய துளையினையுடைய வளைந்த நுகத்தின்கண் (எருதுகள்)ஒருவழிப்படுமாறு நிரலே கட்டின
பெரும் கயிற்று ஒழுகை மருங்கில் காப்பபெரிய கயிற்றையுடையனவாகிய (சகட)ஒழுங்கினை பக்கத்தே காத்துச்செல்ல,
சில்பதஉணவின் கொள்ளை சாற்றிஉப்பாகிய உணவின் விலையைக் கூறி,
பல் எருத்து உமணர் பதி போகு நெடு நெறி            65பல எருதுகளையுடைய உப்புவாணிகர் ஊர்களுக்குச் செல்லுகின்ற நெடிய வழி                        65
எல் இடை கழியுநர்க்கு ஏமம் ஆகபகற்பொழுதில் வழிப்போவார்க்குப் பாதுகாவலாக இருக்க,
மலையவும் கடலவும் மாண் பயம் தரூஉம்மலையில் உள்ளனவும், கடலில் உள்ளனவும்(ஆன) சிறந்த பயனைக் கொடுக்கும்
அரும் பொருள் அருத்தும் திருந்து தொடை நோன் தாள்அரிய பொருளை (எல்லாரும்)நுகரச்செய்யும் திருத்தமான தம் வினையில் வலிய முயற்சியினையும்;
அடி புதை அரணம் எய்தி படம் புக்குபாதங்களை மறைக்கின்ற செருப்பைக் கோத்து, சட்டை அணிந்து,
பொரு கணை தொலைச்சிய புண் தீர் மார்பின்   70(ஆறலைப்போர்)எய்த கணைகளின் வலியைத் தொலைத்த புண்கள் தீர்ந்த மார்பினையும்; 70
விரவு வரி கச்சின் வெண் கை ஒள் வாள்(மார்பில்)விரவிய, வரியுடைய கச்சையில், வெண்மையான கைப்பிடியையுடைய ஒள்ளிய வாள்
வரை ஊர் பாம்பின் பூண்டு புடை தூங்கமலையில் ஊர்கின்ற பாம்புபோலப் பூணப்பட்டு ஒருபக்கத்தே தொங்கிநிற்க,
சுரிகை நுழைந்த சுற்று வீங்கு செறிவு உடைஉடைவாள் செருகப்பட்ட கட்டு இறுகிய உடையினையும்;
கரு வில் ஓச்சிய கண் அகன் எறுழ் தோள்கரிய வில்லின் வலிமையை விரட்டிய, இடமகன்ற வலிமையுடைய தோளினையும்;
கடம்பு அமர் நெடு வேள் அன்ன மீளி         75கடம்பிடத்தே இருந்த நெடிய முருகனை ஒத்த தலைமைச்சிறப்பையும்;                               75
உடம்பிடி தட கை ஓடா வம்பலர்வேலினைக் கொண்ட பெரிய கையினையும் உடைய புறங்கொடாத புதியவராகிய வழிப்போவார் –
தடவு நிலை பலவின் முழு முதல் கொண்டவளைந்த நிலைமையினையுடைய பலாமரத்தின் அடிப்பகுதியில் குலைகொண்ட
சிறு சுளை பெரும் பழம் கடுப்ப மிரியல்சிறியதாகிய சுளையினையுடைய பெரிய பழத்தை ஒப்ப, மிளகின்
புணர் பொறை தாங்கிய வடு ஆழ் நோன் புறத்துஒத்த கனமாகச் சேர்ந்த சுமையைத் தாங்கிய, வடு அழுந்தின வலிமையான முதுகினையும்,
அணர் செவி கழுதை சாத்தொடு வழங்கும்               80உயர்த்திய செவியினையும் உடைய கழுதைகளுடைய திரளோடே – செல்கின்ற                     80
உல்கு உடை பெரு வழி கவலை காக்கும்சுங்கம் கொள்ளுதலையுடைய பெரிய வழிகளில் கவர்த்த வழியைப் பாதுகாக்கின்ற
வில் உடை வைப்பின் வியன் காட்டு இயவின்விற்படையிருக்கின்ற ஊர்களையுடைய அகன்ற காட்டுவழிகளில் –
நீள் அரை இலவத்து அலங்கு சினை பயந்தநீண்ட தாளினையுடைய இலவமரத்தின் அசைகின்ற கொம்பு காய்த்த
பூளை அம் பசும் காய் புடை விரிந்து அன்னபஞ்சினையுடைய அழகிய பசிய காயின் முதுகு விரிந்து தோன்றினதைப் போன்ற
வரி புற அணிலொடு கருப்பை ஆடாது           85வரியை முதுகிலே உடைய அணிலோடு, எலியும் திரியாதபடி,                                        85
யாற்று அறல் புரையும் வெரிந் உடை கொழு மடல்ஆற்றின் அறலை ஒக்கும் முதுகினை உடையதும், கொழுவிய மடலினையுடையதும் ஆகிய,
வேல் தலை அன்ன வை நுதி நெடும் தகர்வேலின் முனையைப் போன்ற கூர்மையான முனையைக்கொண்ட, நெடிய மேட்டில் உள்ள
ஈத்து இலை வேய்ந்த எய் புற குரம்பைஈந்தினுடைய இலையால் வேயப்பட்ட எய்ப்பன்றியின் முதுகு போலும் புறத்தினையுடைய குடிலின்கண்,
மான் தோல் பள்ளி மகவொடு முடங்கிமான் தோலாகிய படுக்கையில் பிள்ளையோடு முடங்கிக்கிடக்கும்
ஈன் பிணவு ஒழிய போகி நோன் காழ்           90மகப்பேறடைந்த பெண்ணைத் தவிர (ஏனையோர்)போய், வலிய வயிரம் பாய்ந்த                   90
இரும்பு தலை யாத்த திருந்து கணை விழு கோல்பூண் தலையில் கட்டப்பட்ட திருந்திய திரட்சியையுடைய சீரிய கோலின்
உளி வாய் சுரையின் மிளிர மிண்டி(மறுபக்கம் உள்ள)உளி(போலும்) வாயைக் கொண்ட கடப்பாரையால் குத்திப் புரட்டி,
இரு நில கரம்பை படு நீறு ஆடிகரிய நிலமாகிய கரம்பை நிலத்தில் உண்டாகின்ற புழுதியை அளைந்து,
நுண் புல் அடக்கிய வெண் பல் எயிற்றியர்மெல்லிய புல்லரிசியை வாரியெடுத்துக்கொண்ட வெண்மையான பல்லையுடைய எயிற்றியர் –
பார்வை யாத்த பறை தாள் விளவின்           95பார்வை மான் கட்டிய தேய்ந்த தாளினையுடைய விளாமரத்தின்                                     95
நீழல் முன்றில் நில உரல் பெய்துநிழலையுடைய முற்றத்தில் நில(த்தில் குழிக்கப்பட்ட) உரலில் இட்டு,
குறும் காழ் உலக்கை ஓச்சி நெடும் கிணற்றுகுறிய வயிரம் பாய்ந்த உலக்கையால் குற்றி, ஆழமான கிணற்றில்
வல் ஊற்று உவரி தோண்டி தொல்லைசில்லூற்றாகிய உவரிநீரை முகந்துகொண்டு, பழைய
முரவு வாய் குழிசி முரி அடுப்பு ஏற்றிவிளிம்பு உடைந்துபோய் கரடுமுரடான வாயையுடைய பானையில் வார்த்த உலையை முரிந்த அடுப்பிலே ஏற்றி,
வாராது அட்ட வாடூன் புழுக்கல்                    100(கஞ்சியை)வடிக்காமல் பொங்கிய (மான் கறியின்)உப்புக்கண்ட(ம் சேர்ந்த) ஊன் சோற்றை –  100
வாடா தும்பை வயவர் பெருமகன்‘வாடாத தும்பை சூடின போரில் வல்ல மறவருடைய தலைவனாகிய
ஓடா தானை ஒண் தொழில் கழல் கால்புறமுதுகிடாத படையினையுடைய சிறந்த தொழில்நுணுக்கம் கொண்ட வீரக்கழல் அணிந்த
செ வரை நாடன் சென்னியம் எனினேசெவ்விய மலைநாட்டை உடையவனுடைய பாணர் யாம்’ எனின்,
தெய்வ மடையின் தேக்கு இலை குவைஇ நும்– தெய்வங்களுக்கு இட்டுவைத்த பலிபோலத் தேக்கின் இலையில் குவிக்கையினால், உம்முடைய
பை தீர் கடும்பொடு பதம் மிக பெறுகுவிர்           105பசுமை(வளமை) தீர்ந்த சுற்றத்தோடு அவ்வுணவினை மிகப் பெறுவீர்;                              105
மான் அடி பொறித்த மயங்கு அதர் மருங்கின்மானின் அடிச்சுவடுகள் பதிந்த குழம்பிப்போவதற்குக் காரணமான வழிகளின் பக்கத்தில்,
வான் மடி பொழுதில் நீர் நசைஇ குழித்தமழை பெய்யாதிருக்கும் காலத்தில் நீரை விரும்பித் தோண்டிய
அகழ் சூழ் பயம்பின் அகத்து ஒளித்து ஒடுங்கிபள்ளங்களைச் சூழ்ந்த மூடுகுழிகளின் அகத்தே மறைந்து ஒதுங்கி,
புகழா வாகை பூவின் அன்னபுகழாத வாகையாகிய அகத்திப் பூவினை ஒத்த, (புகழ் வாகை – வெற்றி வாகை – வாகைத் திணை)
வளை மருப்பு ஏனம் வரவு பார்த்திருக்கும்          110வளைந்த கொம்பினையுடைய பன்றியின் வரவைப் பார்த்து நிற்கும்                         110
அரைநாள் வேட்டம் அழுங்கின் பகல் நாள்நடுயாமத்து வேட்டையைச் செய்யாதுவிட்டால், பகற்பொழுதில்
பகு வாய் ஞமலியொடு பைம் புதல் எருக்கிபிளந்த வாயையுடைய நாய்களுடன் பசிய புதர்களை அடித்து,
தொகு வாய் வேலி தொடர் வலை மாட்டிகுவிந்த இடத்தையுடைய வேலியில் (ஒன்றோடொன்று)பிணைக்கப்பட்ட வலைகளை மாட்டி,
முள் அரை தாமரை புல் இதழ் புரையும்முள்(இருக்கும்)தண்டு (உடைய) தாமரையின் புறவிதழை ஒக்கும்
நெடும் செவி குறு முயல் போக்கு அற வளைஇ   115நீண்ட காதுகளைக்கொண்ட சிறிய முயல்களைப் (வேறு)போக்கிடம் இல்லாதவாறு வளைத்து(ப் பிடித்து),  115
கடுங்கண் கானவர் கடறு கூட்டுண்ணும்கடுமையான கானவர் (அக்)காட்டில் (கூட்டாஞ்சோற்றைக்)கூடியுண்ணும்
அரும் சுரம் இறந்த அம்பர் பருந்து படஅரிய வழியைக் கடந்த பின்னர் – (அதற்கு அப்பால்)பருந்துகள் வந்து படியுமாறு
ஒன்னா தெவ்வர் நடுங்க ஓச்சி(தம்மைப்)பொருந்தாத பகைவர் அஞ்ச, (அவரைக்)குத்தி,
வை நுதி மழுங்கிய புலவு வாய் எஃகம்கூரிய முனை மழுங்கின புலால் நாறும் வாயையுடைய வேல்களை
வடி மணி பலகையொடு நிரைஇ முடி நாண்                120வார்த்த மணி (கட்டின)பலகைகளோடு வரிசையில் வைத்து, (தலையில்)முடிந்த நாணையுடைய      120
சாபம் சார்த்திய கணை துஞ்சு வியல் நகர்வில்லைச் சார்த்தி வைத்த அம்புகள் தங்கும் அகன்ற வீடுகளையும்;
ஊகம் வேய்ந்த உயர் நிலை வரைப்பின்ஊகம் புல்லால் வேய்ந்த உயர்ந்த நிலையையுடைய மதிலையும்,
வரை தேன் புரையும் கவை கடை புதையொடுமலையின் தேன்கூட்டை ஒக்கும், கவைத்த அடிப்பக்கத்தையுடைய அம்புக்கட்டுக்களுடன்,
கடும் துடி தூங்கும் கணை கால் பந்தர்(ஓசை)கடிதான உடுக்கையும் தொங்கும் திரண்ட காலையுடைய பந்தலையும்,
தொடர் நாய் யாத்த துன் அரும் கடி நகர்            125சங்கிலிகளால் நாயைக் கட்டிவைத்துள்ள கிட்டுதற்கரிய காவலையும் உடைய வீட்டினையும்;   125
வாழ் முள் வேலி சூழ் மிளை படப்பைஉயிருள்ள முள்செடியாலான வேலியையும், சூழ்ந்த காவற்காட்டினையும் உடைய ஊர்ப்புறத்தையும்,
கொடு நுகம் தழீஇய புதவின் செம் நிலைஉருண்ட கணையமரம் குறுக்கிலிடப்பட்ட ஒட்டுக்கதவினையும், செம்மையான நிலையினையும்(கொண்ட),
நெடு நுதி வய கழு நிரைத்த வாயில்நெடிய முனையினையுடைய வலிமையான கழுக்களை நிரைத்த ஊர்வாயிலையும் உடைய,
கொடு வில் எயின குறும்பில் சேப்பின்கொடிய வில்லையுடைய எயினரின் அரணில் சென்று தங்கின்,
களர் வளர் ஈந்தின் காழ் கண்டு அன்ன               130களர் நிலத்தே வளர்ந்த ஈந்தின் விதையைக் கண்டாற் போன்று,                                   130
சுவல் விளை நெல்லின் செ அவிழ் சொன்றிமேட்டுநிலத்தில் விளைந்த நெல்லின் சிவந்த பருக்கையாகிய சோற்றை,
ஞமலி தந்த மனவு சூல் உடும்பின்நாய்(கடித்துக்) கொணர்ந்த சங்குமணி(போன்ற) முட்டைகளையுடைய உடும்பின்
வறை கால்யாத்தது வயின்தொறும் பெறுகுவிர்பொரியலால் மறைக்கப்படுமளவு மனைகள்தோறும் பெறுவீர்கள் –
யானை தாக்கினும் அரவு மேல் செலினும்யானை (தன்னைத்)தாக்க வந்தாலும், பாம்பு (தன்)மேல் (ஊர்ந்து)சென்றாலும்,
நீல் நிற விசும்பின் வல் ஏறு சிலைப்பினும்                135நீல நிற மேகத்தில் வலிய உருமேறு இடித்தாலும்,                                                     135
சூல் மகள் மாறா மறம் பூண் வாழ்க்கைசூல்கொண்ட மகளும் (அவற்றிற்கு அஞ்சிப்)பின்வாங்காத மறத்தைப் பூண்ட வாழ்க்கையினையும்,
வலி கூட்டுணவின் வாள் குடி பிறந்த(தமது)வலிமையால் கொண்ட கூட்டாஞ்சோற்றை உடைய, வாள்(தொழிலே செய்யும்) குடியில் பிறந்த,
புலி போத்து அன்ன புல் அணல் காளைபுலியின் போத்தை ஒத்த, குறுந்தாடியினையுடைய (அந்நிலத்துத்)தலைவன்,
செல்நாய் அன்ன கரு வில் சுற்றமொடுவேட்டை நாயைப் போன்ற கொடிய வில்லையுடைய காவலாளருடன்,
கேளா மன்னர் கடி புலம் புக்கு                    140(தன் சொல்)கேளாத மன்னருடைய காவலமைந்த நிலத்தே சென்று,                             140
நாள் ஆ தந்து நறவு நொடை தொலைச்சிவிடியற்காலத்து (அவர்கள்)பசுக்களைப் பற்றிக் கொணர்ந்து, (அவற்றைக்)கள்ளுக்கு விலையாகப் போக்கி,
இல் அடு கள் இன் தோப்பி பருகி(தமது)இல்லில் சமைத்த கள்ளுக்களில் இனிதாகிய நெல்லால் செய்த கள்ளை உண்டு,
மல்லல் மன்றத்து மத விடை கெண்டிவளப்பத்தினையுடைய மன்றில் வலியையுடைய ஏற்றை அறுத்துத் தின்ற
மடி வாய் தண்ணுமை நடுவண் சிலைப்ப(தோலை)மடித்துப் போர்த்த வாயையுடைய மத்தளம் (தங்களுக்கு)நடுவில் முழங்க,
சிலை நவில் எறுழ் தோள் ஓச்சி வலன் வளையூஉ 145வில்லுப்பயின்ற வலியையுடைய இடத்தோளை எடுத்து வலப்பக்கத்திலே வளைத்து,              145
பகல் மகிழ் தூங்கும் தூங்கா இருக்கைபகலில் மகிழ்ச்சியுடனே ஆடுகின்ற தூங்காத குடியிருப்பினையுடைய
முரண் தலை கழிந்த பின்றை மறியபொரு களங்களைக் கழிந்த பின்னர் – ஆட்டுமறிகளுக்குத்
குளகு அரை யாத்த குறும் கால் குரம்பைதழைகள்(தம்மிடத்தே) கட்டின குறுகிய கால்களையுடைய குடிலின்,
செற்றை வாயில் செறி கழி கதவின்இலை தழைக் குப்பைகளையுடைய வாயிலையும், செறிக்கப்பட்ட கழிகளையுடைய கதவினையும்,
கற்றை வேய்ந்த கழி தலை சாம்பின்          150(வரகுக்)கற்றை வேய்ந்த கழிகளைத் தலையிலேயும் கொண்ட சேக்கையின்கண்,                 150
அதளோன் துஞ்சும் காப்பின் உதளதோல் பாயிலிருப்போன் தூங்கும் பாதுகாப்புள்ள இடத்தையும், ஆட்டுக்கிடாயின்
நெடும் தாம்பு தொடுத்த குறும் தறி முன்றில்நெடிய தாம்புகள் கட்டப்பட்ட குறிய முளைகளையும் உடைய முற்றத்தில்,
கொடு முக துருவையொடு வெள்ளை சேக்கும்வளைந்த முகத்தையுடைய செம்மறியாட்டுடன் வெள்ளாடும் கிடக்கும்
இடு முள் வேலி எரு படு வரைப்பின்கட்டு முள் வேலியினையுடைய எருக்குவியல்கள் மிகுந்திருக்கும் ஊரில் –
நள் இருள் விடியல் புள் எழ போகி          155செறிந்த இருள் (போகின்ற)விடியற்காலத்தே பறவைகள் துயிலெழ எழுந்து சென்று,           155
புலி குரல் மத்தம் ஒலிப்ப வாங்கிபுலி(யின் முழக்கம் போன்ற) முழக்கத்தையுடைய மத்தினை ஆரவாரிக்கும்படி கயிற்றை வலித்து,
ஆம்பி வான் முகை அன்ன கூம்பு முகிழ்குடைக்காளானுடைய வெண்மையான முகைகளை ஒத்த குவிந்த முகைகளையுடைய
உறை அமை தீம் தயிர் கலக்கி நுரை தெரிந்துஉறையினால் கெட்டியாகத் தோய்ந்த இளம் புளிப்பான தயிரைக் கடைந்து, வெண்ணையை எடுத்து,
புகர் வாய் குழிசி பூ சுமட்டு இரீஇ(தயிர்)புள்ளிபுள்ளியாகத் தெரிந்த வாயையுடைய மோர்ப்பானையை மெல்லிய சுமட்டின் மேல் வைத்து,
நாள் மோர் மாறும் நன் மா மேனி            160அன்றைய மோரை விற்கும், நல்ல மாமை நிறத்தையுடைய மேனியையும்,                        160
சிறு குழை துயல்வரும் காதின் பணை தோள்சிறிய குழை அசைகின்ற காதினையும், மூங்கில் போன்ற தோளினையும்,
குறு நெறி கொண்ட கூந்தல் ஆய்மகள்குறிதாகிய சுருளைக்கொண்ட கொண்ட மயிரினையும் உடைய, இடைமகள்,
அளை விலை உணவின் கிளை உடன் அருத்திமோரை விற்றதனாலுண்டான உணவால் சுற்றத்தாரைச் சேர்த்து உண்ணப்பண்ணி,
நெய் விலை கட்டி பசும்பொன் கொள்ளாள்நெய்யின் விலைக்குக் கட்டியாகிய பசும்பொன்னையும் வாங்காதவளாய்,
எருமை நல் ஆன் கரு நாகு பெறூஉம்          165எருமையையும், நல்ல ஆன்களையும், (அவற்றின்)கருவாகிய கன்றுகளையும் வாங்குகின்ற       165
மடி வாய் கோவலர் குடி வயின் சேப்பின்மடித்த வாயையுடைய இடையர் குடியிருப்பிலே தங்குவீராயின்,
இரும் கிளை ஞெண்டின் சிறு பார்ப்பு அன்னபெரிய சுற்றமாகிய நண்டின் (கருவிலுள்ள)சிறிய பார்ப்பை ஒத்த
பசும் தினை மூரல் பாலொடும் பெறுகுவிர்பசிய தினையரிசியிலான சிலுத்த சோற்றைப் பாலோடும் பெறுவீர் –
தொடுதோல் மரீஇய வடு ஆழ் நோன் அடிசெருப்பு (விடாமல்)கிடந்த வடு அழுந்தின வலிய அடியினையும்,
விழு தண்டு ஊன்றிய மழு தின் வன் கை               170விழுமிய தடியை ஊன்றின கோடரித் தழும்பிருந்த வலிய கையினையும்,                      170
உறி கா ஊர்ந்த மறு படு மயிர் சுவல்உறியினையுடைய காவடிகள் (மேலே)இருந்ததனால் தழும்பு உண்டான மயிருடைய தோளினையும்,
மேம் பால் உரைத்த ஓரி ஓங்கு மிசைமேன்மையான (ஆன்)பாலைத் தடவிய மயிரினையும், உயர்கின்ற உச்சிகளிலுள்ள
கோட்டவும் கொடியவும் விரைஇ காட்டகொம்புகளில் உள்ளனவும், கொடிகளில் உள்ளனவும் கலந்து, காட்டிடத்துள்ளவாகிய
பல் பூ மிடைந்த படலை கண்ணிபல்வேறு பூக்களையும் நெருங்கிச்சேர்த்த கலம்பகமாகிய மாலையினையும்,
ஒன்று அமர் உடுக்கை கூழ் ஆர் இடையன்              175ஒன்றாய்ப் பொருந்தின உடையினையும் உடைய, கூழை உண்ணுகிற இடைமகன் –           175
கன்று அமர் நிரையொடு கானத்து அல்கிகன்றுகளை விரும்பும் ஆனிரைகளோடே காட்டில் தங்கி,
அம் நுண் அவிர் புகை கமழ கை முயன்றுஅழகிய நுண்ணிதாய் விளங்கும் புகை முற்படப் பிறக்கும்படி கையாலே கடைந்து,
ஞெலிகோல் கொண்ட பெரு விறல் ஞெகிழிதீக்கடையப்படும் கோலால் உண்டாக்கிக்கொண்ட பெரிய திறலுடைய கொள்ளிக்கட்டையின்
செம் தீ தோட்ட கரும் துளை குழலின்சிவந்த நெருப்புத் துளைத்த கரிய துளையினையுடைய குழலில் எழுப்பின,
இன் தீம் பாலை முனையின் குமிழின்         180இனிய பாலைப் பண்ணை(த் தான்) – வெறுக்கின், குமிழினது                                      180
புழல் கோட்டு தொடுத்த மரல் புரி நரம்பின்உள்ளீடற்ற கொம்பிடத்தே வளைத்துக் கட்டின மரலின் கயிறாகிய நரம்பினையுடைய
வில் யாழ் இசைக்கும் விரல் எறி குறிஞ்சிவில்யாழ் இசைக்கும் விரலாலே எறிந்து எழுப்பப்பட்ட குறிஞ்சிப்பண்ணை,
பல்கால்பறவை கிளை செத்து ஓர்க்கும்பல கால்களையுடைய வண்டுகள் தம் சுற்றத்தின் ஓசையாகக் கருதிக் கேட்கும்,
புல் ஆர் வியன் புலம் போகி முள் உடுத்துபுல் நிறைந்த அகன்ற நிலத்தைக் கடந்து போய் – முள்ளை உடுத்திக்கொண்டு
எழு காடு ஓங்கிய தொழு உடை வரைப்பில்              185எழுகின்ற காடுகள் சூழ வளர்ந்த தொழுக்களையுடைய நிலத்தின்கண்,                               185
பிடி கணத்து அன்ன குதிர் உடை முன்றில்பிடித்திரள் நின்றாற்போன்று (தானியங்கள் சேமிக்கும்)குதிர்களையுடைய முன்றிலையும்,
களிற்று தாள் புரையும் திரி மர பந்தர்யானையினது காலை ஒக்கும் (தானியங்கள் திரிக்கும்)திரிகை மரம் நிற்கும் பந்தலினையும்,
குறும் சாட்டு உருளையொடு கலப்பை சார்த்திகுறிய சகடத்தின் உருளையோடு கலப்பையையும் சார்த்தி வைக்கப்பட்டமையால்
நெடும் சுவர் பறைந்த புகை சூழ் கொட்டில்நெடிய சுவரிடத்தே தேய்ந்த புகை சூழ்ந்த கொட்டிலினையும் உடைய,
பருவ வானத்து பா மழை கடுப்ப                      190மாரிக்காலத்து விசும்பிடத்தே பரவிய முகிலை ஒப்ப                                           190
கரு வை வேய்ந்த கவின் குடி சீறூர்கரிய (வரகு)வைக்கோலால் வேய்ந்த அழகிய குடியிருப்பினையுடைய சிறிய ஊர்களில்,
நெடும் குரல் பூளை பூவின் அன்னநெடிய கொத்தினையுடைய சிறு பூளையின் பூவை ஒத்த
குறும் தாள் வரகின் குறள் அவிழ் சொன்றிகுறிய தாளினையுடைய வரகின் சிறிய பருக்கைகளாகிய சோற்றை,
புகர் இணர் வேங்கை வீ கண்டு அன்னபுள்ளிபுள்ளியாகத் தெரியும் கொத்தினையுடைய வேங்கைப் பூவைக் கண்டாற் போன்ற
அவரை வான் புழுக்கு அட்டி பயில்வுற்று            195அவரை விதையின் (தோலுரித்த)வெண்மையான பருப்பை வேகவிட்டு, துழாவுதலால்               195
இன் சுவை மூரல் பெறுகுவிர் ஞாங்கர்இனிய சுவையுள்ள பருப்புச்சோறைப் பெறுவீர் – அந்நிலத்திற்கு மேல்,
குடி நிறை வல்சி செம் சால் உழவர்குடியிருப்பு நிறைந்த, உணவினையுடைய செவ்விய சாலாக உழுகின்ற உழவர்கள்
நடை நவில் பெரும் பகடு புதவில் பூட்டிநடை பயின்ற பெரிய எருதுகளை முற்றத்தே நுகத்தைப் பூட்டிக்கொண்டு சென்று,
பிடி வாய் அன்ன மடி வாய் நாஞ்சில்பிடியின் வாயை ஒத்த, மடங்கிய வாயையுடைய கலப்பையின்
உடுப்பு முக முழு கொழு மூழ்க ஊன்றி               200உடும்பின் முகத்தை ஒத்த பெரும் கொழு மறைய அமுக்கி,                                        200
தொடுப்பு எறிந்து உழுத துளர் படு துடவைவளைவாக, விதைத்தவாறே, உழுத, (பின்னர் வளர்ந்த களைகளைக்)களைக்கொட்டுச் செத்திய தோட்டத்தை,
அரி புகு பொழுதின் இரியல் போகி(கதிர்களை)அறுப்பதற்குச் செல்லும்போது, (ஆட்களின் அரவத்தால்)நிலைகெட்டு ஓடி,
வண்ண கடம்பின் நறு மலர் அன்ன(வெண்மையான)நிறத்தையுடைய கடம்பின் நறிய பூவை ஒத்த
வளர் இளம் பிள்ளை தழீஇ குறும் கால்வளரும் இளமையான (தம்)குஞ்சுப்பறவைகளைத் அணைத்தவாறு, குறிய காலினையும்,
கறை அணல் குறும்பூழ் கட்சி சேக்கும்              205கரிய கழுத்தினையும் உடைய காடைப்பறவை காட்டில் தங்கும்                                     205
வன்புலம் இறந்த பின்றை மென் தோல்வன்புலமான முல்லைநிலத்தைக் கடந்த பின்பு – மெத்தென்ற தோலாலான
மிதி உலை கொல்லன் முறி கொடிற்று அன்னமிதி(த்து ஊதுகின்ற) உலை(யைக் கொண்ட)கொல்லனுடைய முறிந்த கொறடை ஒத்த
கவை தாள் அலவன் அளற்று அளை சிதையகவர்த்த காலையுடைய நண்டின் சேற்று வளை கெடும்படி,
பைம் சாய் கொன்ற மண் படு மருப்பின்பசிய கோரையை (அடியில்)குத்தி எடுத்த மண் படிந்த கொம்பினையுடைய
கார் ஏறு பொருத கண் அகன் செறுவின்                210கரிய ஆனேறுகள் பொருத இடமகன்ற வயல்களில்,                                          210
உழாஅ நுண் தொளி நிரவிய வினைஞர்(தம்மால்)உழப்படாத (அந்த)நுண்ணிய சேற்றை(க் காலால் சமப்படுத்திய)உழவர்
முடி நாறு அழுத்திய நெடு நீர் செறுவில்முடி(யாக வீசிய)நாற்றை அழுத்தி நட்ட நீண்டநாள் நிற்கும் நீரையுடைய வயலில்
களைஞர் தந்த கணை கால் நெய்தல்களைபறிப்போர் பறித்துத் தந்த திரண்ட தாளினையுடைய நெய்தலின்
கள் கமழ் புது பூ முனையின் முள் சினைதேன் நாறுகின்ற புதிய பூவை வெறுத்தாராயின், முள்ளையுடைய கொம்புகளையுடைய
முகை சூழ் தகட்ட பிறழ் வாய் முள்ளி               215அரும்புகள் சூழ்ந்த இதழ்களையுடைய மறிந்த வாயையுடைய முள்ளியின்                     215
கொடும் கால் மா மலர் கொய்துகொண்டு அவணவளைந்த காம்பினையுடைய கரிய பூவைப் பறித்துக்கொண்டு, அங்கு உண்டாகிய
பஞ்சாய் கோரை பல்லின் சவட்டிபஞ்சாய்க் கோரையைப் பல்லால் சிதைத்து(க் கிழித்து)
புணர் நார் பெய்த புனைவு இன் கண்ணிமுடிந்த நாரால் கட்டிய உருவாக்கம் இனிதான மாலையை
ஈர் உடை இரும் தலை ஆர சூடிஈரையுடைய கரிய தலை நிறையும்படி சூடி,
பொன் காண் கட்டளை கடுப்ப கண்பின்         220பொன்னை(உரைத்து)க் காணும் கட்டளைக்கல்லை ஒப்ப, சம்பங்கோரையின்                     220
புன் காய் சுண்ணம் புடைத்த மார்பின்புல்லிய காயில் தோன்றின தாதை அடித்துக்கொண்ட மார்பினையும்,
இரும்பு வடித்து அன்ன மடியா மென் தோல்இரும்பைத் தகடாக்கினாற் போல் சுருக்கமில்லாத மெல்லிய தோலினையும் உடைய,
கரும் கை வினைஞர் காதல் அம் சிறாஅர்கரிய கையுடைய தொழிலாளரின் காதல் இளையோர்கள்
பழம் சோற்று அமலை முனைஇ வரம்பில்பழைய சோற்றின் கட்டியை வெறுத்து, வரம்பிடத்தே
புது வை வேய்ந்த கவி குடில் முன்றில்             225புதிய வைக்கோலால் வேய்ந்த கவிந்த குடிலின் முற்றத்தில்                                    225
அவல் எறி உலக்கை பாடு விறந்து அயலஅவலை இடிக்கும் உலக்கையின் ஓசை செறிகையினால், (அதற்கு)அருகிலுள்ள
கொடு வாய் கிள்ளை படு பகை வெரூஉம்வளைந்த வாயையுடைய கிளிகள் (தமக்கு)உண்டாகின்ற பகையாகக் கருதி அஞ்சும்
நீங்கா யாணர் வாங்கு கதிர் கழனிஇடையறாத புதுவருவாயினையுடைய வளைந்த கதிர்களையுடைய கழனியிடத்து,
கடுப்பு உடை பறவை சாதி அன்ன(கொட்டினால் ஏற்படும்)கடுப்பு உடைய (பறவை இனமான)குளவித் திரளை ஒத்த
பைது அற விளைந்த பெரும் செந்நெல்லின்             230பசுமை அறும்படி முற்றின பெரிய செந்நெல்லின்                                                       230
தூம்பு உடை திரள் தாள் துமித்த வினைஞர்உள்துளை உடைய திரண்ட தாளை அறுத்த வினைஞர்,
பாம்பு உறை மருதின் ஓங்கு சினை நீழல்பாம்பு கிடக்கின்ற மருதமரத்தின் உயர்ந்த கிளையால் உண்டாகிய நிழலில்(உள்ள)
பலி பெறு வியன் களம் மலிய ஏற்றிபிச்சை பெறும் அகன்ற களங்களில் நிறைய ஏற்றி,
கணம் கொள் சுற்றமொடு கை புணர்ந்து ஆடும்கூட்டம் கொண்ட (தம்)சுற்றத்தோடு கைகோர்த்து ஆடுகின்ற
துணங்கை அம் பூதம் துகில் உடுத்தவை போல்  235துணங்கைக் கூத்தில் அழகிய பூதங்கள் (வெண்மையான)ஆடையை உடுத்தி நின்றவை போல  235
சிலம்பி வால் நூல் வலந்த மருங்கின்சிலந்தியின் வெண்மையான நூல் சூழ்ந்த பக்கத்தினையுடைய
குழுமு நிலை போரின் முழு முதல் தொலைச்சி(பலவாகத்)திரண்ட தன்மையையுடைய (நெற்)போர்களின் பெரிய அடியைப் பிரித்து விரித்து,
பகடு ஊர்பு இழிந்த பின்றை துகள் தபகடா விட்டுப்போன பின்பு, தூசு போக,
வையும் துரும்பும் நீக்கி பைது அறவைக்கோலையும் கூளத்தையும் நீக்கி, ஈரம் உலர,
குட காற்று எறிந்த குப்பை வட பால்                240மேற்காற்றில் (தூவித்)தூற்றின நெற்பொலி, வட திசைக்கண்(உள்ள)                                       240
செம்பொன்மலையின் சிறப்ப தோன்றும்சிவந்த பொன்(போன்ற மேரு) மலையினும் மாண்புடையதாகத் தோன்றும்
தண் பணை தழீஇய தளரா இருக்கைகுளிர்ந்த வயலையுடைய மருத நிலம் சூழ்ந்த சோர்வுறாத குடியிருப்புகளில் –
பகட்டு ஆ ஈன்ற கொடு நடை குழவிஎருதுகளோடு கூடிய பசுக்கள் ஈன்ற வளைந்த அடிகளையுடைய கன்றுகளைக்
கவை தாம்பு தொடுத்த காழ் ஊன்று அல்குல்கட்டின நெடிய தாம்புகள் கட்டிக்கிடக்கின்ற தறிகள் நட்ட பக்கத்தினையும்,
ஏணி எய்தா நீள் நெடு மார்பின்                    245ஏணிக்கும் எட்டாத மிக நெடிய வடிவினையும்,                                                 245
முகடு துமித்து அடுக்கிய பழம் பல் உணவின்தலையைத் திறந்து உள்ளே சொரியப்பட்ட பழையவாகிய பல நெல்லினையும் உடைய,
குமரிமூத்த கூடு ஓங்கு நல் இல்கன்னிமையோடே முதிர்ந்த கூடுகள் உயர்ந்து நின்ற நல்ல இல்லங்களையும்;
தச்ச சிறாஅர் நச்ச புனைந்ததச்சர்களின் பிள்ளைகளும் விரும்பும்படி அழகிதாய்ப் பண்ணின
ஊரா நல் தேர் உருட்டிய புதல்வர்(ஏறி)ஊரப்படாத நல்ல சிறு தேரை உருட்டிக்கொண்டு திரிந்த பிள்ளைகள்
தளர் நடை வருத்தம் வீட அலர் முலை         250(தமது)தளர் நடை(யால் உண்டான) வருத்தம் நீங்கும்படி, பரந்த முலையினையுடைய           250
செவிலி அம் பெண்டிர் தழீஇ பால் ஆர்ந்துசெவிலித் தாயாராகிய அழகிய மகளிரைத் தழுவிக்கொண்டு, பாலை நிரம்ப உண்டு,
அமளி துஞ்சும் அழகு உடை நல் இல்(தமது)படுக்கையில் துயிலும் அழகையுடைய நல்ல இல்லினையும் (உடைய)
தொல் பசி அறியா துளங்கா இருக்கைநீடித்திருக்கும் பசியை அறியாத நிலைகெடாத குடியிருப்புகள்(நிறைந்த)
மல்லல் பேரூர் மடியின் மடியாவளன் மிக்க பெரிய ஊரின்கண் தங்குவீராயின், தொழில் ஒழிந்திராத
வினைஞர் தந்த வெண்ணெல் வல்சி             255உழவர் தந்த வெண்மையான நெற்சோற்றை                                                 255
மனை வாழ் அளகின் வாட்டொடும் பெறுகுவிர்மனையில் வாழும் பெட்டைக்கோழி(யைக்கொன்று) வாட்டிய பொரியலோடு பெறுவீர் –
மழை விளையாடும் கழை வளர் அடுக்கத்துமுகில்கள் விளையாடும் மூங்கில் வளர்கின்ற பக்கமலையில்,
அணங்கு உடை யாளி தாக்கலின் பல உடன்(தம்மை)வருத்துதலையுடைய யாளி தாக்குகையால், பலவும் கூடிக்
கணம் சால் வேழம் கதழ்வுற்று ஆஅங்குகூட்டமான யானைகள் கலங்கிக் கதறினாற் போன்று,
எந்திரம் சிலைக்கும் துஞ்சா கம்பலை               260ஆலை ஆரவாரிக்கும் மாறாத ஓசையுடைய                                                         260
விசயம் அடூஉம் புகை சூழ் ஆலைதொறும்கருப்பஞ்சாற்றைக் (கட்டியாகக்)காய்ச்சும் புகை சூழ்ந்த கொட்டில்தோறும்,
கரும்பின் தீம் சாறு விரும்பினிர் மிசைமின்கரும்பினது இனிய சாற்றை விருப்பமுடையீராய் பருகுவீர் –
வேழம் நிரைத்து வெண் கோடு விரைஇமூங்கில்கோலை நெடு வரிசையாகச் சார்த்தி, வெண்மையான மரக்கொம்புகளை குறுக்காகப் பரப்பி,
தாழை முடித்து தருப்பை வேய்ந்ததாழைநாரால் (இரண்டையும்)முடித்துத் தருப்பைப்புல்லை (அதன் மேல்)வேய்ந்த
குறி இறை குரம்பை பறி உடை முன்றில்               265குறுகிய இறப்பையுடைய குடிலின், (மீன்பிடிக்கும்)பறியினையுடைய முற்றத்தில்                  265
கொடும் கால் புன்னை கோடு துமித்து இயற்றியவளைந்த காலையுடைய புன்னைகளின் கொம்புகளை வெட்டி(க் கால்களாகக்கொண்டு) உருவாக்கிய,
பைம் காய் தூங்கும் பாய் மணல் பந்தர்(படர்ந்த கொடியில்)பச்சைக் காய்கள் தொங்கும், பரப்பப்பட்ட மணலையுடைய பந்தலில்,
இளையரும் முதியரும் கிளையுடன் துவன்றிஇளையவர்களும் முதியவர்களும் சுற்றத்துடன் நிறைந்திருந்து,
புலவு நுனை பகழியும் சிலையும் மானபுலால் நாறும் முனையினையுடைய அம்பையும் வில்லையும் ஒப்பச்
செ வரி கயலொடு பச்சிறா பிறழும்           270சிவந்த வரியினையுடைய கயல்களோடே பசிய இறாப் பிறழ்ந்துநின்ற,                                270
மை இரும் குட்டத்து மகவொடு வழங்கிகரிய பெரிய ஆழமான குளங்களில் பிள்ளைகளோடு நீந்தி,
கோடை நீடினும் குறைபடல் அறியாகோடைக்காலம் நீட்டித்து நின்றதாயினும் வற்றுதலை அறியாத,
தோள் தாழ் குளத்த கோடு காத்திருக்கும்தோள்களும் அமிழும் குளங்களினுடைய கரையைக் காத்திருக்கும்,
கொடு முடி வலைஞர் குடி வயின் சேப்பின்வளைந்த முடிகளையுடைய வலைஞருடைய குடியிருப்பில் தங்குவீராயின் –
அவையா அரிசி அம் களி துழவை               275அவிக்காத(நெல்லின்) அரிசி(பச்சரிசி)யை அழகிய களி(யாகத் துழாவி அட்ட) குழைசோற்றை    275
மலர் வாய் பிழாவில் புலர ஆற்றிஅகன்ற வாயையுடைய தட்டுப் பிழாவில் உலரும்படி ஆற்றி,
பாம்பு உறை புற்றின் குரும்பி ஏய்க்கும்பாம்பு வாழும் புற்றிலிருக்கும் புற்றாம்பழஞ் சோற்றை ஒக்கும்,
பூம் புற நல் அடை அளைஇ தேம் படபொலிவுள்ள புறத்தினையுடைய நல்ல (நெல்)முளையை (இடித்து அதில்)கலந்து, இனிமை மிக
எல்லையும் இரவும் இரு முறை கழிப்பிபகலும் இரவும் இருமுறை போக்கி,
வல் வாய் சாடியின் வழைச்சு அற விளைந்த            280கெட்டியான வாயினையுடைய சாடியில் இளங்கள்ளின் நாற்றம் அறும்படி முற்றின(பின்),      280
வெம் நீர் அரியல் விரல் அலை நறும் பிழிவெந்நீரில்(போட்டு) இறுத்ததை விரலிடுக்கில் அலைத்துப்(பின் விரல்மூடிப்) பிழிந்த நறிய கள்ளை,
தண் மீன் சூட்டொடு தளர்தலும் பெறுகுவிர்பச்சை மீனைச் சுட்டதனோடு, (பசியால்)தளர்ந்தவிடத்தே பெறுவீர் –
பச்சூன் பெய்த சுவல் பிணி பைம் தோல்(வாடூனன்றி)பச்சை இறைச்சியை வைத்த, தோளில் மாட்டிய, பதப்படுத்தாத தோலினால் செய்த பையையுடைய
கோள் வல் பாண்மகன் தலை வலித்து யாத்த(மீனைக்)கொள்ளுதலில் வல்ல பாண்மகனுடைய தலையில் வலித்துக் கட்டின
நெடும் கழை தூண்டில் நடுங்க நாண் கொளீஇ   285நெடிய மூங்கில் கோலாகிய தூண்டில் நடுங்கும்படியும், கயிற்றிலே கொளுவப்பட்ட         285
கொடு வாய் இரும்பின் மடி தலை புலம்பவளைந்த வாயினையுடைய தூண்டில் முள்ளின் மடித்த தலை (இரையின்றித்)தனிக்கும்படியும்,
பொதி இரை கதுவிய போழ் வாய் வாளைபொதிந்த இரையைக் கௌவி (அகப்படாதுபோன)பிளந்த வாயையுடைய வாளை மீன்,
நீர் நணி பிரம்பின் நடுங்கு நிழல் வெரூஉம்நீர் அருகிலுள்ள பிரம்பின் (நீரலையால்)நடுங்கு(வது போல் தோன்று)ம் நிழலைக் கண்டு அஞ்சும்,
நீத்து உடை நெடும் கயம் தீ பட மலர்ந்தநீந்திக்கடக்க வேண்டிய ஆழத்தையுடைய நெடிய குளத்தின்கண் நெருப்பின் தன்மையுண்டாகப் பூத்த
கடவுள் ஒண் பூ அடைதல் ஓம்பி                      290கடவுள் (விரும்புதற்குரிய)ஒளிரும் (தாமரைப்)பூவைப் பறித்துச் சூடுதலைச் செய்யாமல் தவிர்த்து,               290
உறை கால் மாறிய ஓங்கு உயர் நனம் தலைதுளி சொரிதலை ஒழிந்த, ஓங்கி உயர்ந்த பரந்த இடத்தையுடைத்தாகிய,
அகல் இரு வானத்து குறைவில் ஏய்ப்பஅகன்ற பெரிய வானத்திடத்தே தோன்றும் குறை வில்(லாகிய வானவில்)லை ஒப்ப
அரக்கு இதழ் குவளையொடு நீலம் நீடிசாதிலிங்கம் (போன்ற)இதழையுடைய குவளைப் பூவோடே நீலப்பூவும் வளர்ந்து
முரண் பூ மலிந்த முது நீர் பொய்கை(ஒன்றற்கொன்று நிறம்)மாறுபடும் (ஏனைப்)பூக்களும் மிக்க, நீண்டநாள் நீர்(இருக்கும்) பொய்கைகளில்,
குறுநர் இட்ட கூம்பு விடு பன் மலர்               295பூப்பறிப்பார் உங்களுக்கிட்ட குவிதல் நெகிழ்ந்த பல பூக்களையும்,                                   295
பெருநாள் அமையத்து பிணையினிர் கழிமின்விழாக்கோலம் (கொண்டாற் போல)சூடியவராய்ப் போவீராக –
செழும் கன்று யாத்த சிறு தாள் பந்தர்கொழுத்த கன்றைக் கட்டின சிறிய கால்களையுடைய பந்தலினையும்,
பைஞ்சேறு மெழுகிய படிவ நல் நகர்பசிய சாணக் கரைசலால் மெழுகிய வழிபடும் தெய்வங்களையுடைய நன்றாகிய அகங்களையும்,
மனை உறை கோழியொடு ஞமலி துன்னாதுமனைகளில் தங்கும் கோழிகளுடன் நாயும் அருகே வராமல்(இருக்கும்),
வளை வாய் கிள்ளை மறை விளி பயிற்றும்              300வளைந்த வாயினையுடைய கிளிக்கு வேதத்தின் ஓசையைக் கற்பிக்கும்                               300
மறை காப்பாளர் உறை பதி சேப்பின்வேதத்தைக் காக்கின்றோர் இருக்கின்ற ஊரிடத்தே தங்குவீராயின் –
பெரு நல் வானத்து வட வயின் விளங்கும்பெரிய நல்ல விசும்பில் வடதிசைக்கண் நின்று விளங்கும்
சிறுமீன் புரையும் கற்பின் நறு நுதல்சிறிய விண்மீனாகிய அருந்ததியை ஒக்கும் கற்பினையும், நறிய நுதலினையும்,
வளை கை மகடூஉ வயின் அறிந்து அட்டவளையலை அணிந்த கையினையும் உடைய பார்ப்பனி இடமறிந்து ஆக்கிய
சுடர் கடை பறவை பெயர் படு வத்தம்         305ஞாயிறு பட்ட காலத்தே, பறவையினது பெயரைப் பெற்ற கருடன் சம்பா என்னும் நெல்லின் சோற்றையும்,  305
சேதா நறு மோர் வெண்ணெயின் மாதுளத்துசிவலைப் பசுவின் நறிய மோரில், வெண்ணெயில் (வெந்த)மாதுளையின்
உருப்புறு பசும் காய் போழொடு கறி கலந்துவெம்மையுற்ற பசிய காயின் வகிரோடு, மிளகுப்பொடி கலந்து,
கஞ்சக நறு முறி அளைஇ பைம் துணர்கறிவேப்பிலை மரத்தின் நறிய இலை(யைக் கிள்ளிக்)கலக்கிவிட்டு, பசிய கொத்துக்களையுடைய
நெடு மர கொக்கின் நறு வடி விதிர்த்தநெடிய மரமாகிய மாவின் நறிய வடுவினைத் துண்டாக்கிப்போட்ட,
தகை மாண் காடியின் வகைபட பெறுகுவிர்              310ஊறவைத்தல் நன்கமைந்த ஊறுகாயோடும் வகை வகையாகப் பெறுவீர் –                         310
வண்டல் ஆயமொடு உண்துறை தலைஇ(சிறு வீடு கட்டும்)விளையாட்டுடைய தோழியருடன் நீருண்ணும் துறையில் கூடி
புனல் ஆடு மகளிர் இட்ட பொலம் குழைநீராடுகின்ற மகளிர் (நீரில்)நழுவவிட்டுச்சென்ற பொன்னாற் செய்த மகரக்குழையினை,
இரை தேர் மணி சிரல் இரை செத்து எறிந்தெனஇரையைத் தேடுகின்ற (நீல)மணி(போலும்) மீன்கொத்தி (தனக்கு)இரை என எண்ணிப் பாய்ந்தெடுத்து,
புள் ஆர் பெண்ணை புலம்பு மடல் செல்லாதுபறவைகள் நிறைந்திருக்கின்ற பனைமரத்தின் தனித்த மடலுக்குச் செல்லாமல்,
கேள்வி அந்தணர் அரும் கடன் இறுத்த                315நூற்கேள்வியையுடைய அந்தணர் செய்தற்கரிய கடனாகச் செய்து முடித்த                    315
வேள்வி தூணத்து அசைஇ யவனர்வேள்விச்சாலையின் வேள்வித்தூணின்மேல் இருக்க, (அப்பறவை)யவனரி
ஓதிம விளக்கின் உயர் மிசை கொண்டஅன்ன(த்தைப்போன்ற தொங்கு) விளக்கைப்போலவும், (மகரக்குழை, விளக்கின் தீச்சுடர்)உயர்ந்த வானில் இடங்கொண்ட
வைகுறு மீனின் பைபய தோன்றும்வைகறை வெள்ளிமீன் போலவும் மினுக்மினுக் என்று ஒளிவிட்டும் தோன்றும்
நீர்பெயற்று எல்லை போகி பால் கேழ்நீரின் பெயர்கொண்ட நீர்ப்பாயல்துறை என்னும் ஊரின் எல்லையிலே சென்று – பாலின் நிறமான
வால் உளை புரவியொடு வட வளம் தரூஉ         320வெண்மையான தலைச்சிறகுகளையுடைய குதிரைகளுடன் வடதிசையின் வளங்களைக் கொணரும்  320
நாவாய் சூழ்ந்த நளி நீர் படப்பைமரக்கலங்கள் சூழ்ந்த பெருமையையுடைய கடற்பக்கத்தினையும்,
மாடம் ஓங்கிய மணல் மலி மறுகின்மாடங்கள் உயர்ந்து நின்ற மணல் மிக்க தெருக்களையும்,
பரதர் மலிந்த பல் வேறு தெருவின்பரதவர் மிக்கு வாழ்கின்ற பலவாய் வேறுபட்ட தெருக்களையும்,
சிலதர் காக்கும் சேண் உயர் வரைப்பின்தொழில் செய்வோர் காக்கும் மிகவும் உயரமான பண்டசாலைகளையும்,
நெல் உழு பகட்டொடு கறவை துன்னா           325நெல்லிற்கு உழுகின்ற எருதுகளுடன் (பால் தரும்)பசுக்கள் நெருங்காவாய்,                      325
மேழக தகரோடு எகினம் கொட்கும்ஆட்டுக்கிடாயோடே நாயும் சுழன்று திரியும்,
கூழ் உடை நல் இல் கொடும் பூண் மகளிர்உணவுடைய நல்ல வீடுகளையும், வளைந்த அணிகலன்களையுடைய மகளிர்,
கொன்றை மென் சினை பனி தவழ்பவை போல்கொன்றையின் அரும்புகளையுடைய மெல்லிய கொம்புகளில் பனிப்படலம் தவழ்பவை போல
பைம் காழ் அல்குல் நுண் துகில் நுடங்கபசிய மணிகளைக் கோத்த வடங்களையுடைய அல்குலில் கிடக்கின்ற மெல்லிய துகில் அசைய,
மால் வரை சிலம்பில் மகிழ் சிறந்து ஆலும்          330பெருமையையுடைய பக்கமலையில் மனவெழுச்சி மிக்கு ஆரவாரிக்கும்                                330
பீலி மஞ்ஞையின் இயலி காலதோகையையுடைய மயில் போல் உலாவி, கால்களிடத்தனவாகிய
தமனிய பொன் சிலம்பு ஒலிப்ப உயர் நிலைசெம்பொன்னால் செய்த சிலம்புகள் ஆரவாரிப்ப, மேல்நிலையாகிய
வான் தோய் மாடத்து வரி பந்து அசைஇவானத்தைத் தீண்டுகின்ற மாடத்திகண், நூலால் வரிதலையுடைய பந்தையடித்து இளைத்து,
கை புனை குறும் தொடி தத்த பைபயகையில் புனைந்த குறுந்தொடி அசையும்படி, மெல்ல மெல்ல
முத்த வார் மணல் பொன் கழங்கு ஆடும்               335முத்தை ஒத்த வார்ந்த மணலில் பொன்னாற் செய்த கழங்கைக் கொண்டு விளையாடும்,           335
பட்டின மருங்கின் அசையின் முட்டு இல்பட்டினத்திடத்தே இளைப்பாறுவீராயின் – முட்டுப்பாடில்லாத
பைம் கொடி நுடங்கும் பலர் புகு வாயில்பசிய கொடிகள் அசைகின்ற பலரும் நுழையும் வாயிலிடத்து,
செம் பூ தூய செதுக்கு உடை முன்றில்சிவந்த பூக்கள் தூவப்பட்ட (புல் முதலியவற்றைச்)செதுக்கிய முற்றத்தில்,
கள் அடு மகளிர் வள்ளம் நுடக்கியகள்ளைச் சமைக்கின்ற மகளிர் வட்டில் கழுவிக் கவிழ்த்த
வார்ந்து உகு சில் நீர் வழிந்த குழம்பின்         340வழிந்து சிந்தின கழுநீர் வழிந்த குழம்பிடத்து,                                                    340
ஈர் சேறு ஆடிய இரும் பல் குட்டிஈரத்தையுடைய சேற்றை அளைத்த கரிய பலவாகிய குட்டிகளையுடைய
பல் மயிர் பிணவொடு பாயம் போகாதுபலவாகிய மயிர்களையுடைய பெண் பன்றிகளோடே மனவிருப்பம் கொள்ளாமல்,
நெல்மா வல்சி தீற்றி பல் நாள்நெல்லின் உமியை மாவாக்கிய (தவிட்டு)உணவினை (வயிறு நிறைய)த் தின்னப் பண்ணிப், பலநாளும்
குழி நிறுத்து ஓம்பிய குறும் தாள் ஏற்றைகுழியிலே நிறுத்திப் பாதுகாத்த குறிய காலையுடைய ஆண்பன்றியின்
கொழு நிண தடியொடு கூர் நறா பெறுகுவிர்            345கொழுவிய நிணத்தையுடைய தசையோடு களிப்பு மிக்க கள்ளைப் பெறுவீர் –                   345
வானம் ஊன்றிய மதலை போலவானம் (வீழாதபடி முட்டுக்காலாக) ஊன்றிவைத்த பற்றுக்கோல் போல
ஏணி சாத்திய ஏற்ற அரும் சென்னிஏணியைச் சாத்திய ஏறுதற்கரிய தலையினையுடைய,
விண் பொர நிவந்த வேயா மாடத்துவிண்ணைத் தீண்டும்படி உயர்ந்த வேயாது (சாந்திட்ட)மாடத்தில்,
இரவில் மாட்டிய இலங்கு சுடர் ஞெகிழிஇரவில் கொளுத்தின விளங்குகின்ற விளக்கு நெகிழ்ந்து
உரவு நீர் அழுவத்து ஓடு கலம் கரையும்             350பெருநீர்ப்பரப்பாகிய கடலில் ஓடும் மரக்கலங்களை அழைக்கும்                                  350
துறை பிறக்கு ஒழிய போகி கறை அடிதுறை பின்னே கிடக்க (கடந்து) போய் – உரல் போன்ற அடியினையுடைய
குன்று உறழ் யானை மருங்குல் ஏய்க்கும்மலையோடு மாறுபடுகின்ற யானையின் உடம்பை ஒக்கும்
வண் தோட்டு தெங்கின் வாடு மடல் வேய்ந்தவளவிய தோட்டினையுடைய தென்னை மரத்தின் வற்றிய மடலினை வேய்ந்த,
மஞ்சள் முன்றில் மணம் நாறு படப்பைமஞ்சளையுடைய முற்றத்தினையும் மணல் கமழ்கின்ற சுற்றுப்புறங்களையும் உடைய
தண்டலை உழவர் தனி மனை சேப்பின்           355தோப்புகளில் வாழும் உழவரின் தனித்தனியாக அமைந்த மனைகளில் தங்கினால் –              355
தாழ் கோள் பலவின் சூழ் சுளை பெரும் பழம்தாழ்ந்த குலைகளையுடைய பலாவின், சூழ்ந்து அமைந்துள்ள சுளைகளையுடைய பெரிய பழத்தையும்,
வீழ் இல் தாழை குழவி தீம் நீர்விழுதில்லாத தாழையாகிய தென்னையின் இளநீரின் இனிய நீரையும்,
கவை முலை இரும் பிடி கவுள் மருப்பு ஏய்க்கும்கவைத்த முலையையுடைய குறிய பெண்யானையின் கடைவாயின் கொம்புகளை ஒக்கும்,
குலை முதிர் வாழை கூனி வெண் பழம்குலையில் முதிர்ந்த வாழையின் வளைந்த வெளுத்த பழத்தையும்,
திரள் அரை பெண்ணை நுங்கொடு பிறவும்               360திரண்ட அடியினையுடைய பனையின் நுங்கோடே, வேறும்                                            360
தீம் பல் தாரம் முனையின் சேம்பின்இனிய பல பண்டங்களையும் வெறுப்பின், சேம்பின்
முளை புற முதிர் கிழங்கு ஆர்குவிர் பகல் பெயல்முளையைப் புறத்தேயுடைய முதிர்ந்த கிழங்குகளைத் தின்பீர் – பகல் மழையின்
மழை வீழ்ந்து அன்ன மா தாள் கமுகின்மேகங்கள் விழுந்ததைப் போன்ற பெரிய தண்டினையுடைய கமுகுகளின்
புடை சூழ் தெங்கின் மு புடை திரள் காய்பக்கத்தே சூழ்ந்த தெங்கினுடைய மூன்று புடைப்பினையுடைய திரண்ட காய்,
ஆறு செல் வம்பலர் காய் பசி தீர                   365வழிச்செல்கின்ற புதியோருடைய மிக்க பசி தீரும்படி,                                         365
சோறு அடு குழிசி இளக விழூஉம்(அவர்)சோற்றை ஆக்குகின்ற பானை அசையும்படி விழுகின்ற
வீயா யாணர் வளம் கெழு பாக்கத்துகெடாத புதுவருவாயினையுடைய செல்வம் பொருந்தின பாக்கத்து,
பல் மரம் நீள் இடை போகி நல் நகர்பல மரங்கள் வளர்ந்த நீண்ட வழியில் போய், நல்ல நகரங்கள்தோறும்,
விண் தோய் மாடத்து விளங்கு சுவர் உடுத்தவிண்ணைத் தீண்டும் மாடங்களில் விளங்கிநின்ற மதில் சூழ்ந்த,
வாடா வள்ளியின் வளம் பல தரூஉம்           370வாடாத வள்ளியாகிய வள்ளிக் கூத்தினைக் கொண்ட, வளங்கள் பலவற்றையும் தருகின்ற 370
நாடு பல கழிந்த பின்றை நீடு குலைநாடுகள் பலவற்றையும் கடந்த பின்பு – நீண்ட பூங்கொத்துகளையுடைய
காந்தள் அம் சிலம்பில் களிறு படிந்து ஆங்குகாந்தளையுடைய அழகிய பக்கமலையில் யானை கிடந்தாற் போன்று
பாம்பு அணை பள்ளி அமர்ந்தோன் ஆங்கண்பாம்பணையாகிய படுக்கையில் துயில் கொண்டோனுடைய திருவெஃகாவிடத்து,
வெயில் நுழைபு அறியா குயில் நுழை பொதும்பர்வெயில் நுழைந்து அறியாத, குயில் நுழையும் சோலையில்,
குறும் கால் காஞ்சி சுற்றிய நெடும் கொடி          375குறிய காலினையுடைய காஞ்சிமரத்தைச் சூழ்ந்த நெடிய கொடியினையும்,                    375
பாசிலை குருகின் புன் புற வரி பூபசிய இலையினையும் உடைய குருக்கத்தியின் புற்கென்ற புறத்தினையும் வரிகளையும் உடைய பூக்கள்,
கார் அகல் கூவியர் பாகொடு பிடித்தகரிய வட்டிலில் அப்ப வாணிகர் பாகுடன் பிடித்த 
இழை சூழ் வட்டம் பால் கலந்தவை போல்நூல் போலச் சூழ்ந்துகிடக்கின்ற அப்பம் பாலிலே கிடந்தவை போல்,
நிழல் தாழ் வார் மணல் நீர் முகத்து உறைப்பநிழல் கிடந்த வார்ந்த மணலிடத்துக் குழிகளில் நின்ற நீரிடத்தே மிக விழும்படி,
புனல் கால்கழீஇய பொழில்தொறும் திரள் கால் 380மழைநீர் தூய்மைப்படுத்திய பொழில்கள்தோறும், திரண்ட தண்டினையுடைய                   380
சோலை கமுகின் சூல் வயிற்று அன்னசோலையிடத்து நிற்கும் கமுகின் சூல்கொண்ட வயிற்றை ஒத்த
நீல பை குடம் தொலைச்சி நாளும்நீலநிறம் அமைந்த தோல் பையிலுள்ள கள்ளையுண்டு – நாள்தோறும்
பெரு மகிழ் இருக்கை மரீஇ சிறு கோட்டுபெரிய மகிழ்ச்சியையுடைய இருக்கைகளில் தங்கி, சிறிய கோட்டையுடைய
குழவி திங்கள் கோள் நேர்ந்து ஆங்குஇளைய திங்களைச் செம்பாம்பு தீண்டினாற் போன்று
சுறவு வாய் அமைத்த சுரும்பு சூழ் சுடர் நுதல்     385மகரவாயாகிய தலைக்கோலத்தைச் சேர்த்தின சுரும்புகள் சூழும் ஒளியையுடைய நுதலினையும்,          385
நறவு பெயர்த்து அமர்த்த நல் எழில் மழை கண்தேனை உருப்பெயர்த்துக் அமைத்ததைப் போன்ற நல்ல அழகிய குளிர்ச்சியுடைய கண்ணையும் கொண்ட
மடவரல் மகளிரொடு பகல் விளையாடிமடப்பம் தோற்றுதலையுடைய மகளிரோடு பகற்பொழுது விளையாடி;
பெறற்கு அரும் தொல் சீர் துறக்கம் ஏய்க்கும்பெறுதற்கரிய பழைமையான புகழினையுடைய துறக்கத்தை ஒக்கும்
பொய்யா மரபின் பூ மலி பெரும் துறைபொய்க்காத மரபினையுடைய பூக்கள் மிகுகின்ற பெரிய துறையிடத்தே,
செவ்வி கொள்பவரோடு அசைஇ அ வயின்          390(இளவேனில்)இன்பத்தை நுகர்வாரோடு இளைப்பாறி; அவ்விடத்தில்                          390
அரும் திறல் கடவுள் வாழ்த்தி சிறிது நும்அரிய திறலினையுடைய கடவுளை வாழ்த்தி, சிறிதே உம்முடைய
கரும் கோட்டு இன் இயம் இயக்கினிர் கழிமின்கரிய தண்டினையுடைய இனிய இசைக்கருவியை இயக்கியவராய் (அங்கிருந்து)போமின் –
காழோர் இகழ் பதம் நோக்கி கீழபரிக்கோலையுடையோர் கவனம் சிதைந்த நேரம் பார்த்து, கீழேயுள்ள
நெடும் கை யானை நெய் மிதி கவளம்நெடிய கைகளையுடைய யானைக்கு இடும் நெய்வார்த்து மிதித்த கவளத்தை,
கடும் சூல் மந்தி கவரும் காவில்                  395முதற் சூலையுடைய மந்தி கவர்ந்துகொண்டுபோகும் சோலையினையும்;                                395
களிறு கதன் அடக்கிய வெளிறு இல் கந்தின்(அக்)களிற்று யானைகளின் சினத்தை அடக்கிய முதிராத தன்மை இல்லாத தறிகளையும்;
திண் தேர் குழித்த குண்டு நெடும் தெருவில்திண்ணிய தேர்கள் (ஓடிக்)குழித்த பள்ளங்களுள்ள நெடிய தெருக்களையும்;
படை தொலைபு அறியா மைந்து மலி பெரும் புகழ்(பகைவரின்)படையின்கண் தோல்வியடையாத வலிமை மிகுகின்ற பெரிய புகழின்
கடை கால்யாத்த பல் குடி கெழீஇஎல்லையை மறைத்த, பலவாகிய மறவர் குடியிருப்புகளைச் சேர்ந்து,
கொடையும் கோளும் வழங்குநர் தடுத்த                400விற்பதும் வாங்குவதும் (நிறைந்து) நடந்துசெல்வோரைத் தடுத்து நிறுத்துவதும்,                        400
அடையா வாயில் மிளை சூழ் படப்பை(பரிசிலர்க்கு)அடையாததும் ஆன வாயிலினையும்; காவற்காடு சூழ்ந்த பக்கத்தினையும்;
நீல் நிற உருவின் நெடியோன் கொப்பூழ்நீல நிறத்தையுடைய வடிவினையுடைய திருமாலின் உந்தியாகிய
நான்முக ஒருவர் பயந்த பல் இதழ்நான்முகனாகிய ஒருவனைப் பெற்ற பல இதழ்களையுடைய
தாமரை பொகுட்டின் காண்வர தோன்றிதாமரையின் பொகுட்டைப் போன்று அழகுவிளங்கத் தோன்றி,
சுடுமண் ஓங்கிய நெடு நகர் வரைப்பின்              405செங்கல்லால் செய்யப்பட்டு உயர்ந்த படைவீட்டைச் சூழ்ந்த மதிலினையும்;                       405
இழுமென் புள்ளின் ஈண்டு கிளை தொழுதிஇழுமென்னும் ஓசையையுடைய திரண்ட பறவையினங்களின் திரளையுடைய,
கொழு மென் சினைய கோளியுள்ளும்கொழுவிய மெல்லிய கொம்புகளையுடைனவாகிய, (பூவாமல் காய்க்கும்)கோளியாகிய மரங்களினுள்ளும்,
பழம் மீக்கூறும் பலாஅ போலபழத்தால் மேலாகச் சொல்லும் பலாமரத்தைப் போன்று,
புலவு கடல் உடுத்த வானம் சூடியபுலால் நாற்றத்தையுடைய கடல்சூழ்ந்த வானம் கவிந்த
மலர் தலை உலகத்துள்ளும் பலர் தொழ         410அகன்ற இடத்தையுடைய உலகத்து நகரங்களினுள்ளும், பலரும் தொழும்படி,                   410
விழவு மேம்பட்ட பழ விறல் மூதூர்விழாக்களால் மேம்பட்ட பழைய வெற்றிச்சிறப்பையும் உடைய காஞ்சிநகர் –
அம் வாய் வளர் பிறை சூடி செ வாய்அழகிய வாயைக்கொண்ட வளர்பிறையைச் சூடிச், சிவந்த இடத்தையுடைய
அந்தி வானத்து ஆடு மழை கடுப்பஅந்தி(ப்பொழுதின் செக்கர்)வானத்தே அசைகின்ற முகில்களை ஒப்ப,
வெண் கோட்டு இரும் பிணம் குருதி ஈர்ப்பவெண்மையான கொம்பினையுடைய கரிய (யானையின்)பிணத்தைக் குருதி(யாறு) இழுத்துச்செல்லும்படி,
ஈரைம்பதின்மரும் பொருது களத்து அவிய              415நூற்றுவரும் போரிட்டுப் போர்க்களத்தே அழியும்படி,                                         415
பேர் அமர் கடந்த கொடுஞ்சி நெடும் தேர்பெரிய போரினை வென்று கடந்த, கொடுஞ்சியுள்ள, நெடிய தேரினையுடைய,
ஆரா செருவின் ஐவர் போலதோற்காத போரினையுடைய பாண்டவரைப் போன்று,
அடங்கா தானையோடு உடன்று மேல்வந்த(எண்ணில்)அடங்காத படையுடன் சினந்து (தன்)மேல் வந்த
ஒன்னா தெவ்வர் உலைவு இடத்து ஆர்த்து(தன் ஏவலைப்)பொருந்தாத பகைவர் தோற்றவிடத்தே (வெற்றிக்களிப்புத் தோன்ற)ஆரவாரித்து,
கச்சியோனே கை வண் தோன்றல்                        420காஞ்சிபுரத்துள்ளான், கை(யால் வழங்கும்)வண்மையில் சிறந்தவன்(தொண்டைமானிளந்திரையன்),                420
நச்சி சென்றோர்க்கு ஏமம் ஆகிய(அவன்)தன்னை விரும்பித் (தன்பால்)எய்தினோர்க்குப் பாதுகாவல் ஆகிய
அளியும் தெறலும் எளிய ஆகலின்அருள்செய்தலும், (தன்னைப் பகைத்தோரை)அழித்தலும் (தனக்கு)எளிய (செயல்களே)ஆகலான்,
மலைந்தோர் தேஎம் மன்றம் பாழ்பட(தன்னை)எதிர்ப்போரின் ஊர்களிலுள்ள (மக்கள் கூடும்)பொதுவிடங்கள் பாழ்படவும்,
நயந்தோர் தேஎம் நன் பொன் பூப்ப(தன்னிடம்)நயந்துகொண்டவர் நாடுகள் நல்ல பொன் பூத்துத் திகழவும்,
நட்பு கொளல் வேண்டி நயந்திசினோரும்               425நட்புக் கொள்ளுதலை வேண்டி விரும்பினவர்களும்,                                             425
துப்பு கொளல் வேண்டிய துணையிலோரும்(அவன்)வலியை(த் துணையாக)க்கொள்ளக் கருதிய வேறோர் உதவியில்லாதவர்களும் (ஆகிய),
கல் வீழ் அருவி கடல் படர்ந்து ஆங்குமலையினின்றும் விழுகின்ற அருவி கடலில் படர்ந்ததைப் போல்
பல் வேறு வகையின் பணிந்த மன்னர்பலவேறு வகைகளாலும் கீழ்ப்படிந்த அரசர்கள் –
இமையவர் உறையும் சிமைய செ வரைதேவர்கள் இருக்கும் உச்சியையுடைய செவ்விய மலையின்கண்
வெண் திரை கிழித்த விளங்கு சுடர் நெடும் கோட்டு   430வெண்மையான (நீருள்ள)ஓடைகள் கிழித்தோடுதலால் பளபளக்கும் ஒளியுடைய நெடிய கரத்தினின்றும்      430
பொன் கொழித்து இழிதரும் போக்கு அரும் கங்கைபொன்னைக் கொழித்துக்கொண்டு குதிக்கும் கடத்தற்கரிய கங்கையாற்றின்
பெரு நீர் போகும் இரியல் மாக்கள்பெரிய நீரைக் கடந்துபோகும் மனக்கலக்கமுள்ள மாக்கள்
ஒரு மர பாணியில் தூங்கி ஆங்குஒரேயொரு தோணி வரும் காலத்திற்காகக் காத்திருத்தலைப் போல –
தொய்யா வெறுக்கையொடு துவன்றுபு குழீஇகெடாத திரைப்பொருளோடு நெருங்கித் திரண்டு,
செவ்வி பார்க்கும் செழு நகர் முற்றத்து           435(பொருந்திய)நேரம் பார்க்கும் வளவிய முற்றத்தினையுடைய;                                     435
பெரும் கை யானை கொடும் தொடி படுக்கும்பெரிய கையையுடைய யானைக்கு வளைந்து கிடக்கும் பூணைச் சேர்க்கும்
கரும் கை கொல்லன் இரும்பு விசைத்து எறிந்தவலிய கையினையுடைய கொல்லன் சம்மட்டியை உரத்துக் கொட்டின
கூட திண் இசை வெரீஇ மாடத்துகூடத்து எழுந்த திண்ணிய ஓசையை அஞ்சி, மாடத்தின்
இறை உறை புறவின் செம் கால் சேவல்இறப்பில் உறையும் புறாவின் சிவந்த காலையுடைய சேவல்
இன் துயில் இரியும் பொன் துஞ்சு வியல் நகர்       440இனிய துயில் (நீங்கி)விரைந்தோடும் பொன் துஞ்சுகின்ற; அகன்ற அரண்மனையிடத்தே –               440
குண கடல் வரைப்பின் முந்நீர் நாப்பண்கீழ்கடலை எல்லையாகக்கொண்டு, கடல்(அடிவானத்தின்) நடுவே
பகல் செய் மண்டிலம் பாரித்து ஆங்குபகற்பொழுதைச் செய்யும் ஞாயிறு தன் கதிர்களைப் பரப்பித் தோன்றினாற் போல,
முறை வேண்டுநர்க்கும் குறை வேண்டுநர்க்கும்(வருத்தப்பட்டு)நீதி கேட்டுவந்தவர்க்கும், (வறுமைப்பட்டுத் தம்)குறை தீர்க்கக் கேட்டோர்க்கும்
வேண்டுபவேண்டுப வேண்டினர்க்கு அருளிவேண்டியவற்றை எல்லாம் வேண்டினர்க்கு அருள்செய்து,
இடை தெரிந்து உணரும் இருள் தீர் காட்சி           445(கூறாமலே)குறிப்பால் தெரிந்து உணரும் மயக்கமற்ற காட்சியையுடையனாய்,                        445
கொடை கடன் இறுத்த கூம்பா உள்ளத்துகொடை எனும் கடமையைச் செய்துமுடித்த கூம்பாத உள்ளத்துடன்,
உரும்பு இல் சுற்றமோடு இருந்தோன் குறுகிகொடுமையில்லாத அமைச்சுச் சுற்றத்தோடே இருந்தோனை அணுகி,
பொறி வரி புகர்முகம் தாக்கிய வயமான்‘ஆழமாய்ப்பதிந்த இரேகைகளும், புள்ளிகளும் உள்ள முகத்தினையுடைய யானையைப் பாய்ந்த அரிமா
கொடுவரி குருளை கொள வேட்டு ஆங்கு(பின்னர்)புலியின் குட்டியைப் பாய்ந்து கொள்ள விரும்பினாற் போன்று,
புலவர் பூண் கடன் ஆற்றி பகைவர்           450புலவர்க்குப் பேரணிகலன்களையும் பிற கடமைகளையும் வழங்கி, பகைவருடைய         450
கடி மதில் எறிந்து குடுமி கொள்ளும்காவலமைந்த மதில்களை அழித்து (அவ்வரசரின்)கிரீடம்(முதலியவற்றை) கொள்ளும்
வென்றி அல்லது வினை உடம்படினும்வெற்றியையே அல்லது (அவ்வரசர் உன்)வினைக்கு உடன்படினும்
ஒன்றல் செல்லா உரவு வாள் தட கைமனம் பொருந்துதல் செல்லாத, வலிய வாளினையுடைய பெரிய கையினையும்,
கொண்டி உண்டி தொண்டையோர் மருக(பகைப்புலத்துக்)கொள்ளையாகிய உணவினையும் உடைய தொண்டையோர் குடியிற் பிறந்தவனே,
மள்ளர் மள்ள மறவர் மறவ                   455மள்ளர்க்கு மள்ளனே, மறவர்க்கு மறவனே,                                                             455
செல்வர் செல்வ செரு மேம்படுநசெல்வர்க்குச் செல்வனே, போர்த்தொழில் மிக்கவனே,
வெண் திரை பரப்பின் கடும் சூர் கொன்றவெண்மையான அலைகளையுடைய கடலில் சென்று கடிய சூரனைக் கொன்ற
பைம் பூண் சேஎய் பயந்த மா மோட்டுபசிய பூணினையுடைய முருகனைப் பெற்ற பெருமையுடைய வயிற்றினையும்,
துணங்கை அம் செல்விக்கு அணங்கு நொடித்து ஆங்குதுணங்கைக்கூத்துடைய அழகிய இறைவிக்குப் பேய்மகள் (சில)நொடிசொன்னாற் போன்று,
தண்டா ஈகை நின் பெரும் பெயர் ஏத்தி               460குறையாத கொடையினையுடைய நின் பெரிய பெயரைப் புகழ்ந்துசொல்லி,                       460
வந்தேன் பெரும வாழிய நெடிது எனவந்தேன் பெருமானே, நீ நெடுங்காலம் வாழ்வாயாக’ என்று சொல்லி,
இடன் உடை பேரியாழ் முறையுளி கழிப்பிஇடப்பக்கத்தே உடைய பேரியாழை இயக்குமுறையில் இயக்கி,
கடன் அறி மரபின் கைதொழூஉ பழிச்சி(மன்னவர்க்கான)முறைமையை அறிந்த நியதிப்படியே கையால் தொழுது நாவால் புகழ்ந்து,
நின் நிலை தெரியா அளவை அ நிலைஉனது நிலையினைத் தெரிதற்கு முன்னரே, அந்த நிலையின்கண்ணே
நாவல் அம் தண் பொழில் வீவு இன்று விளங்க  465நாவலால் பெயர்பெற்ற அழகிய குளிர்ந்த உலகமெல்லாம் கேடில்லாமல் விளங்கும்படி,                465
நில்லா உலகத்து நிலைமை தூக்கிநிலையற்ற (இவ்)உலகத்தே நிலையுள்ளது (புகழ் ஒன்றே என்று)ஆராய்ந்து,
அ நிலை அணுகல் வேண்டி நின் அரைஅந்தப் புகழ்நிலையைச் சேரும்பொருட்டு, நின் இடுப்பில் கிடந்த
பாசி அன்ன சிதர்வை நீக்கிபாசியின் வேரை ஒத்த சிதர்த்தழிந்த கந்தையை அகற்றி,
ஆவி அன்ன அவிர் நூல் கலிங்கம்(பால்)ஆவியை ஒத்த ஒளிரும் நூலால் செய்த துகில்களை
இரும் பேர் ஒக்கலொடு ஒருங்கு உடன் உடீஇ   470(உன்)கரிய பெரிய சுற்றத்தோடு சேர உடல் முழுதும் உடுக்கச் செய்து,                          470
கொடு வாள் கதுவிய வடு ஆழ் நோன் கைவளைந்த அரிவாளைக் கொண்ட வடு அழுந்தின வலிவுள்ள கையினையுடைய
வல்லோன் அட்ட பல் ஊன் கொழும் குறைசமையற்காரன் ஆக்கின பல இறைச்சியில் கொழுவிய தசைகளும்,
அரி செத்து உணங்கிய பெரும் செந்நெல்லின்அரியப்பட்ட கதிர்க்குவியல்கள் ஈரமற்றுப்போக உலரவிட்ட பெரிய செந்நெல்லினுடைய
தெரி கொள் அரிசி திரள் நெடும் புழுக்கல்ஆராய்ந்து பொறுக்கிக்கொண்ட அரிசியால் ஆக்கின திரண்ட நெடிய சோற்றையும்,
அரும் கடி தீம் சுவை அமுதொடு பிறவும்             475அரிய காவலில் வைத்த இனிய சுவையுடைய அமிழ்தம் போன்ற உண்டிகளையும், பிறவும் ஆகிய             475
விருப்பு உடை மரபின் கரப்பு உடை அடிசில்(கண்டோர்)விரும்பும் முறைமைத்தாகிய மூடிவைத்தலை உடைய அடிசில்களை,
மீன் பூத்து அன்ன வான் கலம் பரப்பிவிண்மீன்கள் (இரவில்)மலர்ந்தாற் போன்று வெள்ளிக் கலங்களைப் பரக்க இட்டு,
மகமுறை மகமுறை நோக்கி முகன் அமர்ந்துதாய் பிள்ளையைப் பார்க்குமாறு திரும்பத்திரும்பப் பார்த்து, முகம் இனிது காட்டி,
ஆனா விருப்பின் தான் நின்று ஊட்டிகுன்றாத விருப்பத்துடன் தான் எதிர்நின்று உண்ணச்செய்து –
மங்குல் வானத்து திங்கள் ஏய்க்கும்               480இருண்ட வானத்தின்கண் திங்களைப் போன்று                                                    480
ஆடு வண்டு இமிரா அழல் அவிர் தாமரைஉலாவும் வண்டுகள் ஒலியாத, தீயில் மலர்ந்த வெண்பொற்றாமரையை
நீடு இரும் பித்தை பொலிய சூட்டிநீண்ட கரிய மயிரில் அழகுபெறச் சூட்டி;
உரவு கடல் முகந்த பருவ வானத்துதொடர்ந்து இயங்கும் கடலின்கண் நீரை முகந்துகொண்ட பருவ கால வானத்தில்
பகல் பெயல் துளியின் மின்னு நிமிர்ந்து ஆங்குபகலில் பெய்கின்ற துளிமழையின்கண் மின்னல் ஓடினாற் போன்று,
புனை இரும் கதுப்பகம் பொலிய பொன்னின்             485அலங்கரித்த கரிய மயிரிடம் அழகு பெறும்படி, பொன்னால் செய்து                                485
தொடை அமை மாலை விறலியர் மலையசேரக்கட்டின மாலையை ஆடும் மகளிர் சூடி நிற்ப;
நூலோர் புகழ்ந்த மாட்சிய மால் கடல்(குதிரை இலக்கண)நூல்கற்றோர் புகழ்ந்த மாண்புடையனவாய், திருமாலின் பாற்கடலில்
வளை கண்டு அன்ன வால் உளை புரவிசங்கைக் கண்டாற் போன்ற வெண்மையான தலையிறகுகளை உடைய குதிரைகள்,
துணை புணர் தொழில நால்கு உடன் பூட்டிதன்னுடன் சேர்ந்தவையோடு ஒத்துத் தொழில்செய்வனவான, நான்கினை ஒருசேரப் பூட்டி,
அரி தேர் நல்கியும் அமையான் செரு தொலைத்து        490பொன் (வேய்ந்த)தேரைத் தந்தும் மனநிறைவு கொள்ளானாய், போர்களை மாளப்பண்ணி            490
ஒன்னா தெவ்வர் உலைவு இடத்து ஒழித்த(தன் ஏவலைப்)பொருந்தாத பகைவர் புறமுதுகிட்டவிடத்தே விட்டுப்போன                            
விசும்பு செல் இவுளியொடு பசும் படை தரீஇவிண்(ணுக்குச்) செல்(வது போல் முன் கால்களைத் தூக்கும்)குதிரைகளுடன் பசிய சேணமும் தந்து,
அன்றே விடுக்கும் அவன் பரிசில் இன் சீர்(நீ சென்ற)அன்றே நினக்கு  ஏனைய பரிசிலும் தந்து விடுவான் – இனிய தாளத்தில்,
கின்னரம் முரலும் அணங்கு உடை சாரல்கின்னரம் என்னும் பறவைகள் பாடும் தெய்வங்கள் உறையும் சாரலிடத்தே
மஞ்ஞை ஆலும் மரம் பயில் இறும்பின்                495மயில்கள் ஆடும் மரம் நெருங்கின இளமரக்காட்டினையும்;                                               495
கலை பாய்ந்து உதிர்த்த மலர் வீழ் புறவின்முசுக்கலைகள் பாய்ந்து உதிர்த்த மலர்கள் சிந்தின காட்டினையும் உடைய,
மந்தி சீக்கும் மா துஞ்சு முன்றில்மந்திகள் செத்தைகளை அகற்றும் விலங்குகள் துயில்கொள்ளும் முற்றத்தில்,
செம் தீ பேணிய முனிவர் வெண் கோட்டுசிவந்த தீயைக் கைவிடாமல் காத்துப்போந்த முனிவர்கள், வெண்மையான கொம்பினையுடைய
களிறு தரு விறகின் வேட்கும்களிறுகள் முறித்துக் கொண்டுவந்த விறகால் வேள்வியைச் செய்யும்,
ஒளிறு இலங்கு அருவிய மலை கிழவோனே         500ஒளிறுகின்ற விளங்கும் அருவிகளையுடையவாகிய மலையை ஆளும் உரிமையுடையோன்.